Foto: «Ksell» AQ baspasóz qyzmeti
«Ksell» jetekshi mobildi operatorynyń jalpy tabysy 3-toqsanda ótken jyldyń osyndai kezeńimen salystyrǵanda 7,5 paiyzǵa ósip, 60,5 milliard teńgege jetti. Bul týraly kompaniia ókilderi Qazaqstan qor birjasy alańynda ótkizilgen dástúrli «Emitent kúni» barysynda málimdedi. Usynylǵan esep boiynsha, operator 9 ai ishinde negizgi qarjylyq-ekonomikalyq kórsetkishterdiń barlyǵynda derlik ósim kórsetti.
Atap aitqanda, kompaniia aǵymdaǵy jyldyń 9 aiynda tabysty 180 milliard teńgeden asyryp, ótken jyldyń uqsas kezeńimen salystyrǵanda 9 paiyzǵa arttyrdy. Bul klienttik bazanyń ósýin, satý kóleminiń ulǵaiýyn jáne marketingtik strategiialardyń tabystylyǵyn kórsetedi. Operatordyń servistik tabysy shamamen 6,5 paiyzǵa ósip, 149,4 milliard teńgeni qurady. EBITDA 63 milliard teńge shamasynda bolsa, taza paida 8,07 milliard teńgege jetti. Kompaniia sapaly bailanysty qamtamasyz etý úshin myqty irgetasqa ainalatyn infraqurylymdy salýǵa jáne jańartýǵa baǵyttalǵan iri investitsiialyq tsikldy bastady. Bul radiojiilik spektrin paidalaný jáne keńeitilgen bazalyq stantsiialar jelisine qyzmet kórsetý shyǵyndarynyń ósýine ákep soqtyrdy.
«Sizder biletindei, sońǵy 2 jylda biz 5G jelileriniń qurylysyn belsendi túrde júrgizip kelemiz, bul, árine, aýqymdy kapitaldyq shyǵyndardy qajet etedi. Jalpy alǵanda, 9 aida biz jelini damytýǵa shamamen 65 milliard teńge investitsiia saldyq. Sonymen qatar, biyl biz jelini salý jáne damytý qarqynyn arttyrdyq, bul qarjylyq kórsetkishterge áser etti. Atap aitqanda, aǵymdaǵy jyldyń 3-toqsanynda kompaniia respýblika boiynsha 5G standarty boiynsha 129 bazalyq stantsiiany jáne 100-den astam 4G «saityn» iske qosty. Osylaisha, qyrkúiek aiynyń sońynda Qazaqstan boiynsha 5G bazalyq stantsiialarynyń sany 1040-qa jetip, jańa standartty stantsiialar úlesi eldegi barlyq bazalyq stantsiialardyń úlesinen 25 paiyzǵa artty. Búginde 20 qalada millionnan astam qazaqstandyq 5G telekom-qyzmetterin belsendi túrde paidalanýda. Sondai-aq, biz Almaty metropoliteninde jańa tehnologiia negizinde bailanys ornatqan eldegi alǵashqy operator boldyq», – dep atap ótti Ksell AQ-nyń bas qarjy direktory Sabiǵat Rahmetov qarjylyq esepke túsinikteme bere otyryp.
3-toqsannyń nátijelerine kelsek, 2023 jyldyń osyndai kezeńimen salystyrǵanda kompaniianyń tabysy 7,5 paiyzǵa ósip, 60,4 milliard teńgeni, servistik tabys 2,8 paiyzǵa artyp, 51,1 milliard teńgeni qurady, al EBITDA 22,3 milliard teńgege jetti. Kompaniianyń abonenttik bazasy 2 paiyzǵa jýyq ulǵaiyp, 7,7 million paidalanýshyny qurady. Bul kórsetkishter Kselldiń naryqtaǵy ornynyń beriktigin, aqsha aǵynyn joǵary deńgeide ustap turýyn jáne operatsiialyq, qarjylyq kórsetkishterdiń oń dinamikasyn saqtap otyrǵanyn kórsetedi.
«Aǵymdaǵy jyly kompaniia óz jelisin damytý ári jańǵyrtýǵa, onyń ishinde telekom-qyzmetter men tsifrlyq servisterdiń sapalyq sipattamalaryn arttyrý úshin 5G qurylysyna kúrdeli shyǵyndar men investitsiialardy ulǵaitýdy jalǵastyrýǵa nietti. Biz kompaniia menedjmenti retinde jyl qorytyndysy boiynsha kiris deńgeiin 240-250 milliard teńge «dálizine» jetkizýdi boljap otyrmyz. EBITDA boiynsha rentabeldilik 36-37% deńgeiinde saqtap, tabysqa shaqqandaǵy kapitaldyq shyǵyndardy 30-35% sheginde ustap turamyz dep josparlap otyrmyz», - dedi «Ksell» AQ-nyń Bas kommertsiialyq direktory Olga Tsoi.
Sondai-aq, kompaniia 3-toqsanda respýblikadaǵy 123 aýylda jańa bailanys ornatyp, internetke qoljetimdilikti jaqsartty. Bul úshin aýyldyq jerlerde 277 bazalyq stantsiia (seriktesterdiń bazalyq stantsiialaryn qosa alǵanda) iske qosyldy. Kompaniianyń taǵy bir qyzyqty jobasy – Cruise Data teńiz kemeleri men krýizdik lainerlerde roýming-paketin iske qosý boldy.
Sonymen qatar, jazda operator ártúrli klienttik kategoriialarǵa baǵyttalǵan birneshe jańa tariftik josparlardy iske qosty: «Imba» – balalar men mektep oqýshylaryna, «Stýdent» – JOO men kolledj stýdentterine, sondai-aq, «Otbasy» – 7 adamǵa deiin qosylýǵa múmkindik beretin otbasylyq tarif. Ksell ár tariftik jospardy qajetti ári qyzyqty mazmunmen qamtamasyz etýge tyrysty, jáne bul abonentterdiń kóńilinen shyqqany baiqalady.
