فوتو: «كسەلل» اق باسپاسٶز قىزمەتٸ
«كسەلل» جەتەكشٸ موبيلدٸ وپەراتورىنىڭ جالپى تابىسى 3-توقساندا ٶتكەن جىلدىڭ وسىنداي كەزەڭٸمەن سالىستىرعاندا 7,5 پايىزعا ٶسٸپ, 60,5 ميلليارد تەڭگەگە جەتتٸ. بۇل تۋرالى كومپانييا ٶكٸلدەرٸ قازاقستان قور بيرجاسى الاڭىندا ٶتكٸزٸلگەن دەستٷرلٸ «ەميتەنت كٷنٸ» بارىسىندا مەلٸمدەدٸ. ۇسىنىلعان ەسەپ بويىنشا, وپەراتور 9 اي ٸشٸندە نەگٸزگٸ قارجىلىق-ەكونوميكالىق كٶرسەتكٸشتەردٸڭ بارلىعىندا دەرلٸك ٶسٸم كٶرسەتتٸ.
اتاپ ايتقاندا, كومپانييا اعىمداعى جىلدىڭ 9 ايىندا تابىستى 180 ميلليارد تەڭگەدەن اسىرىپ, ٶتكەن جىلدىڭ ۇقساس كەزەڭٸمەن سالىستىرعاندا 9 پايىزعا ارتتىردى. بۇل كليەنتتٸك بازانىڭ ٶسۋٸن, ساتۋ كٶلەمٸنٸڭ ۇلعايۋىن جەنە ماركەتينگتٸك ستراتەگييالاردىڭ تابىستىلىعىن كٶرسەتەدٸ. وپەراتوردىڭ سەرۆيستٸك تابىسى شامامەن 6,5 پايىزعا ٶسٸپ, 149,4 ميلليارد تەڭگەنٸ قۇرادى. EBITDA 63 ميلليارد تەڭگە شاماسىندا بولسا, تازا پايدا 8,07 ميلليارد تەڭگەگە جەتتٸ. كومپانييا ساپالى بايلانىستى قامتاماسىز ەتۋ ٷشٸن مىقتى ٸرگەتاسقا اينالاتىن ينفراقۇرىلىمدى سالۋعا جەنە جاڭارتۋعا باعىتتالعان ٸرٸ ينۆەستيتسييالىق تسيكلدى باستادى. بۇل راديوجيٸلٸك سپەكترٸن پايدالانۋ جەنە كەڭەيتٸلگەن بازالىق ستانتسييالار جەلٸسٸنە قىزمەت كٶرسەتۋ شىعىندارىنىڭ ٶسۋٸنە ەكەپ سوقتىردى.
«سٸزدەر بٸلەتٸندەي, سوڭعى 2 جىلدا بٸز 5G جەلٸلەرٸنٸڭ قۇرىلىسىن بەلسەندٸ تٷردە جٷرگٸزٸپ كەلەمٸز, بۇل, ەرينە, اۋقىمدى كاپيتالدىق شىعىنداردى قاجەت ەتەدٸ. جالپى العاندا, 9 ايدا بٸز جەلٸنٸ دامىتۋعا شامامەن 65 ميلليارد تەڭگە ينۆەستيتسييا سالدىق. سونىمەن قاتار, بيىل بٸز جەلٸنٸ سالۋ جەنە دامىتۋ قارقىنىن ارتتىردىق, بۇل قارجىلىق كٶرسەتكٸشتەرگە ەسەر ەتتٸ. اتاپ ايتقاندا, اعىمداعى جىلدىڭ 3-توقسانىندا كومپانييا رەسپۋبليكا بويىنشا 5G ستاندارتى بويىنشا 129 بازالىق ستانتسييانى جەنە 100-دەن استام 4G «سايتىن» ٸسكە قوستى. وسىلايشا, قىركٷيەك ايىنىڭ سوڭىندا قازاقستان بويىنشا 5G بازالىق ستانتسييالارىنىڭ سانى 1040-قا جەتٸپ, جاڭا ستاندارتتى ستانتسييالار ٷلەسٸ ەلدەگٸ بارلىق بازالىق ستانتسييالاردىڭ ٷلەسٸنەن 25 پايىزعا ارتتى. بٷگٸندە 20 قالادا ميلليوننان استام قازاقستاندىق 5G تەلەكوم-قىزمەتتەرٸن بەلسەندٸ تٷردە پايدالانۋدا. سونداي-اق, بٸز الماتى مەتروپوليتەنٸندە جاڭا تەحنولوگييا نەگٸزٸندە بايلانىس ورناتقان ەلدەگٸ العاشقى وپەراتور بولدىق», – دەپ اتاپ ٶتتٸ كسەلل اق-نىڭ باس قارجى ديرەكتورى سابيعات راحمەتوۆ قارجىلىق ەسەپكە تٷسٸنٸكتەمە بەرە وتىرىپ.
3-توقساننىڭ نەتيجەلەرٸنە كەلسەك, 2023 جىلدىڭ وسىنداي كەزەڭٸمەن سالىستىرعاندا كومپانييانىڭ تابىسى 7,5 پايىزعا ٶسٸپ, 60,4 ميلليارد تەڭگەنٸ, سەرۆيستٸك تابىس 2,8 پايىزعا ارتىپ, 51,1 ميلليارد تەڭگەنٸ قۇرادى, ال EBITDA 22,3 ميلليارد تەڭگەگە جەتتٸ. كومپانييانىڭ ابونەنتتٸك بازاسى 2 پايىزعا جۋىق ۇلعايىپ, 7,7 ميلليون پايدالانۋشىنى قۇرادى. بۇل كٶرسەتكٸشتەر كسەللدٸڭ نارىقتاعى ورنىنىڭ بەرٸكتٸگٸن, اقشا اعىنىن جوعارى دەڭگەيدە ۇستاپ تۇرۋىن جەنە وپەراتسييالىق, قارجىلىق كٶرسەتكٸشتەردٸڭ وڭ ديناميكاسىن ساقتاپ وتىرعانىن كٶرسەتەدٸ.
«اعىمداعى جىلى كومپانييا ٶز جەلٸسٸن دامىتۋ ەرٸ جاڭعىرتۋعا, ونىڭ ٸشٸندە تەلەكوم-قىزمەتتەر مەن تسيفرلىق سەرۆيستەردٸڭ ساپالىق سيپاتتامالارىن ارتتىرۋ ٷشٸن 5G قۇرىلىسىنا كٷردەلٸ شىعىندار مەن ينۆەستيتسييالاردى ۇلعايتۋدى جالعاستىرۋعا نيەتتٸ. بٸز كومپانييا مەنەدجمەنتٸ رەتٸندە جىل قورىتىندىسى بويىنشا كٸرٸس دەڭگەيٸن 240-250 ميلليارد تەڭگە «دەلٸزٸنە» جەتكٸزۋدٸ بولجاپ وتىرمىز. EBITDA بويىنشا رەنتابەلدٸلٸك 36-37% دەڭگەيٸندە ساقتاپ, تابىسقا شاققانداعى كاپيتالدىق شىعىنداردى 30-35% شەگٸندە ۇستاپ تۇرامىز دەپ جوسپارلاپ وتىرمىز», - دەدٸ «كسەلل» اق-نىڭ باس كوممەرتسييالىق ديرەكتورى ولگا تسوي.
سونداي-اق, كومپانييا 3-توقساندا رەسپۋبليكاداعى 123 اۋىلدا جاڭا بايلانىس ورناتىپ, ينتەرنەتكە قولجەتٸمدٸلٸكتٸ جاقسارتتى. بۇل ٷشٸن اۋىلدىق جەرلەردە 277 بازالىق ستانتسييا (سەرٸكتەستەردٸڭ بازالىق ستانتسييالارىن قوسا العاندا) ٸسكە قوسىلدى. كومپانييانىڭ تاعى بٸر قىزىقتى جوباسى – Cruise Data تەڭٸز كەمەلەرٸ مەن كرۋيزدٸك لاينەرلەردە روۋمينگ-پاكەتٸن ٸسكە قوسۋ بولدى.
سونىمەن قاتار, جازدا وپەراتور ەرتٷرلٸ كليەنتتٸك كاتەگورييالارعا باعىتتالعان بٸرنەشە جاڭا تاريفتٸك جوسپارلاردى ٸسكە قوستى: «يمبا» – بالالار مەن مەكتەپ وقۋشىلارىنا, «ستۋدەنت» – جوو مەن كوللەدج ستۋدەنتتەرٸنە, سونداي-اق, «وتباسى» – 7 ادامعا دەيٸن قوسىلۋعا مٷمكٸندٸك بەرەتٸن وتباسىلىق تاريف. كسەلل ەر تاريفتٸك جوسپاردى قاجەتتٸ ەرٸ قىزىقتى مازمۇنمەن قامتاماسىز ەتۋگە تىرىستى, جەنە بۇل ابونەنتتەردٸڭ كٶڭٸلٸنەن شىققانى بايقالادى.
