Halyqaralyq valiýta qorynyń basqarýshy direktory Kristin Lagard álem ekonomikasynyń damýynda qazaqtyń uly aqyny Abaidyń ideiasyna ekpin qoiý kerektigin aitty, dep habarlaidy QazAqparat tilshisi.
«Ekonomikalyq damý baǵytynda birtindep qarqyn alý kerek. Bul rette qazaqtyń uly aqyny Abai Qunanbaiulynyń «Aqyryn júrip, anyq bas» dep jazyp ketken óleń joldary oiǵa keledi. Sondyqtan búgingi forýmda osy ideiaǵa airyqsha ekpin qoimaqpyn, iaǵni árbir qadamdy senimdi túrde jasaýymyz kerek. Ókinishke qarai, álemdik ósimge qaraǵan kezde, adamdardyń kóbisiniń áreketterinde damý qarqyny baiqalmaidy. Olar sol baiaǵy baiaý sarynda jyljyp keledi», - dedi Kristin Lagard XII Astana ekonomikalyq forýmy barysynda.
Onyń sózine qaraǵanda, 2019 jyly jahandyq ishki jalpy ónimniń 70 paiyzy baiaýlap otyr.
«Bul rette qazirgi kezde retsessiia oryn alyp otyr dep aityp otyrǵanym joq, alaida ótken jylmen salystyrǵanda báseńdeýdiń belgici kórinis berdi, iaǵni 3,6 paiyz kórsetkishten qazirgi kezde shamamen 3,3 paiyz. Sonymen qatar, qarjylyq turǵyda qosymsha táýekelder bolmaitynyna senim artýdamyz. Biz aldaǵy 6 aida jahandyq shielenistiń tómendeýin boljap otyrmyz. Osy oraida qazirgi kezdegi shielenistik qubylystar báseńdeidi dep oilaimyz», - dedi HVQ basshysy.
Onyń paiymynsha, Ortalyq Aziianyń ózindik róli arqasynda ekonomikalyq damýǵa tiisti yqpal tigizedi.
«Búgindegi syn-tegeýrinder túsinikti bolyp tur, osy oraida biz ósimdi budan da joǵary turaqty deńgeige shaǵarýymyz kerek. Biz osy baǵytta ańdap, senimdi qadamdardy jasaýymyz qajet. Osyǵan bailanysty jan-jaqty zerdelengen ishki saiasatty júzege asyryp, ekonomikalyq ártaraptandyrýdy arttyrý kerek. Sonymen qatar belsendi túrde halyqaralyq yntamaqtastyqqa baǵyt alǵan jón», - dep túidi ol.
