حالىقارالىق ۆاليۋتا قورىنىڭ باسقارۋشى ديرەكتورى كريستين لاگارد ەلەم ەكونوميكاسىنىڭ دامۋىندا قازاقتىڭ ۇلى اقىنى ابايدىڭ يدەياسىنا ەكپٸن قويۋ كەرەكتٸگٸن ايتتى, دەپ حابارلايدى قازاقپارات تٸلشٸسٸ.
«ەكونوميكالىق دامۋ باعىتىندا بٸرتٸندەپ قارقىن الۋ كەرەك. بۇل رەتتە قازاقتىڭ ۇلى اقىنى اباي قۇنانبايۇلىنىڭ «اقىرىن جٷرٸپ, انىق باس» دەپ جازىپ كەتكەن ٶلەڭ جولدارى ويعا كەلەدٸ. سوندىقتان بٷگٸنگٸ فورۋمدا وسى يدەياعا ايرىقشا ەكپٸن قويماقپىن, ياعني ەربٸر قادامدى سەنٸمدٸ تٷردە جاساۋىمىز كەرەك. ٶكٸنٸشكە قاراي, ەلەمدٸك ٶسٸمگە قاراعان كەزدە, ادامداردىڭ كٶبٸسٸنٸڭ ەرەكەتتەرٸندە دامۋ قارقىنى بايقالمايدى. ولار سول باياعى باياۋ سارىندا جىلجىپ كەلەدٸ», - دەدٸ كريستين لاگارد XII استانا ەكونوميكالىق فورۋمى بارىسىندا.
ونىڭ سٶزٸنە قاراعاندا, 2019 جىلى جاھاندىق ٸشكٸ جالپى ٶنٸمنٸڭ 70 پايىزى باياۋلاپ وتىر.
«بۇل رەتتە قازٸرگٸ كەزدە رەتسەسسييا ورىن الىپ وتىر دەپ ايتىپ وتىرعانىم جوق, الايدا ٶتكەن جىلمەن سالىستىرعاندا بەسەڭدەۋدٸڭ بەلگٸcٸ كٶرٸنٸس بەردٸ, ياعني 3,6 پايىز كٶرسەتكٸشتەن قازٸرگٸ كەزدە شامامەن 3,3 پايىز. سونىمەن قاتار, قارجىلىق تۇرعىدا قوسىمشا تەۋەكەلدەر بولمايتىنىنا سەنٸم ارتۋدامىز. بٸز الداعى 6 ايدا جاھاندىق شيەلەنٸستٸڭ تٶمەندەۋٸن بولجاپ وتىرمىز. وسى ورايدا قازٸرگٸ كەزدەگٸ شيەلەنٸستٸك قۇبىلىستار بەسەڭدەيدٸ دەپ ويلايمىز», - دەدٸ حۆق باسشىسى.
ونىڭ پايىمىنشا, ورتالىق ازييانىڭ ٶزٸندٸك رٶلٸ ارقاسىندا ەكونوميكالىق دامۋعا تيٸستٸ ىقپال تيگٸزەدٸ.
«بٷگٸندەگٸ سىن-تەگەۋرٸندەر تٷسٸنٸكتٸ بولىپ تۇر, وسى ورايدا بٸز ٶسٸمدٸ بۇدان دا جوعارى تۇراقتى دەڭگەيگە شاعارۋىمىز كەرەك. بٸز وسى باعىتتا اڭداپ, سەنٸمدٸ قادامداردى جاساۋىمىز قاجەت. وسىعان بايلانىستى جان-جاقتى زەردەلەنگەن ٸشكٸ ساياساتتى جٷزەگە اسىرىپ, ەكونوميكالىق ەرتاراپتاندىرۋدى ارتتىرۋ كەرەك. سونىمەن قاتار بەلسەندٸ تٷردە حالىقارالىق ىنتاماقتاستىققا باعىت العان جٶن», - دەپ تٷيدٸ ول.
