Portýgaliia ulttyq quramasy men madridtik «Realdyń» úzdik surmergeni Krishtianý Ronaldý 2016 jylǵy «Altyn doptyń» iegeri atandy. Fýtbolshy bul marapatty tórtinshi ret jeńip aldy.
Biylǵy «Altyn dop» iegerin «France Football» basylymy anyqtady. Jyldaǵydai Halyqaralyq fýtbol qaýymdastyqtary odaǵynyń (FIFA) muryndyq bolýymen ótken joq. Burynǵy frantsýz basylymynyń erejesi boiynsha anyqtaldy. Iaǵni, «Altyn dop» iegerin anyqtaýǵa tek tilshiler ǵana qatysty.
2016 jylǵy «Altyn dopqa» 30 fýtbolshy úmitker atandy. Olardyń ishinen portýgaldyq oiynshy úzdik sanalyp otyr. Ol ótken maýsymda «Realmen» Chempiondar ligasy, ulttyq quramada Eýropa chempiony atandy.
Krishtianý Ronaldý «Altyn dopty» osyǵan deiin úsh ret (2008, 2013, 2014) ielendi. Al Lionel Messi bes ret (2009, 2010, 2011, 2012, 2015) jeńip alǵan jalǵyz oiynshy.
