پورتۋگالييا ۇلتتىق قۇراماسى مەن مادريدتٸك «رەالدىڭ» ٷزدٸك سۇرمەرگەنٸ كريشتيانۋ رونالدۋ 2016 جىلعى «التىن دوپتىڭ» يەگەرٸ اتاندى. فۋتبولشى بۇل ماراپاتتى تٶرتٸنشٸ رەت جەڭٸپ الدى.
بيىلعى «التىن دوپ» يەگەرٸن «France Football» باسىلىمى انىقتادى. جىلداعىداي حالىقارالىق فۋتبول قاۋىمداستىقتارى وداعىنىڭ (فيفا) مۇرىندىق بولۋىمەن ٶتكەن جوق. بۇرىنعى فرانتسۋز باسىلىمىنىڭ ەرەجەسٸ بويىنشا انىقتالدى. ياعني, «التىن دوپ» يەگەرٸن انىقتاۋعا تەك تٸلشٸلەر عانا قاتىستى.
2016 جىلعى «التىن دوپقا» 30 فۋتبولشى ٷمٸتكەر اتاندى. ولاردىڭ ٸشٸنەن پورتۋگالدىق ويىنشى ٷزدٸك سانالىپ وتىر. ول ٶتكەن ماۋسىمدا «رەالمەن» چەمپيوندار ليگاسى, ۇلتتىق قۇرامادا ەۋروپا چەمپيونى اتاندى.
كريشتيانۋ رونالدۋ «التىن دوپتى» وسىعان دەيٸن ٷش رەت (2008, 2013, 2014) يەلەندٸ. ال ليونەل مەسسي بەس رەت (2009, 2010, 2011, 2012, 2015) جەڭٸپ العان جالعىز ويىنشى.
