Angliianyń «Manchester Iýnaited» fýtbol komandasynyń portýgaliialyq forvardy Krishtianý Ronaldý Forbes jýrnalynyń nusqasy boiynsha 2021 jyly eń kóp aqsha tólenetin fýtbolshylarynyń tizimin basqardy. Atalǵan tizim basylym saitynda jariialanǵan, dep habarlaidy QazAqparat.
Ronaldýdyń jalpy tabysy 125 mln dollardy quraǵan, sonyń 70 milliony – jalaqy, qalǵan 55 million – jarnamalyq kelisimsharttar.
Ronaldý – «Altyn doptyń» bes dúrkin iegeri, Chempiondar ligasynyń bes dúrkin jeńimpazy, Eýropa chempiony, Ulttar ligasynyń jeńimpazy. «Manchester Iýnaited» quramynda oinap júrip, Angliianyń úsh dúrkin chempiony atandy, Angliia kýbogy men Chempiondar ligasyn utqan. Ronaldý – ulttyq quramalar tarihyndaǵy úzdik shabýylshy, Eýropa chempionattarynyń úzdik shabýylshysy, Chempiondar ligasy tarihynda, álemniń klýbtyq chempionaty men madridtik «Realdyń» úzdik shabýylshysy.
