انگلييانىڭ «مانچەستەر يۋنايتەد» فۋتبول كومانداسىنىڭ پورتۋگالييالىق فورۆاردى كريشتيانۋ رونالدۋ Forbes جۋرنالىنىڭ نۇسقاسى بويىنشا 2021 جىلى ەڭ كٶپ اقشا تٶلەنەتٸن فۋتبولشىلارىنىڭ تٸزٸمٸن باسقاردى. اتالعان تٸزٸم باسىلىم سايتىندا جارييالانعان, دەپ حابارلايدى قازاقپارات.
رونالدۋدىڭ جالپى تابىسى 125 ملن دوللاردى قۇراعان, سونىڭ 70 ميلليونى – جالاقى, قالعان 55 ميلليون – جارنامالىق كەلٸسٸمشارتتار.
رونالدۋ – «التىن دوپتىڭ» بەس دٷركٸن يەگەرٸ, چەمپيوندار ليگاسىنىڭ بەس دٷركٸن جەڭٸمپازى, ەۋروپا چەمپيونى, ۇلتتار ليگاسىنىڭ جەڭٸمپازى. «مانچەستەر يۋنايتەد» قۇرامىندا ويناپ جٷرٸپ, انگلييانىڭ ٷش دٷركٸن چەمپيونى اتاندى, انگلييا كۋبوگى مەن چەمپيوندار ليگاسىن ۇتقان. رونالدۋ – ۇلتتىق قۇرامالار تاريحىنداعى ٷزدٸك شابۋىلشى, ەۋروپا چەمپيوناتتارىنىڭ ٷزدٸك شابۋىلشىسى, چەمپيوندار ليگاسى تاريحىندا, ەلەمنٸڭ كلۋبتىق چەمپيوناتى مەن مادريدتٸك «رەالدىڭ» ٷزدٸك شابۋىلشىسى.
