Foto: BBC
Pýtin Tramptyń Resei men Ýkrainanyń 30 kún boiy energetikalyq infraqurylym nysandaryna soqqy jasamaý týraly usynysyn qoldady jáne áskeri kúshterge tiisti buiryq berdi, dep habarlaidy Ult.kz.
Basqa da málimdemeleri:
- - Pýtin qaqtyǵysty beibit jolmen retteýge printsipti túrde berik ekenin rastady.
- - Pýtin Trampqa sársenbi kúni Resei men Ýkraina 175 tutqyndy 175-ke aiyrbastaitynyn habarlady.
- - Resei men AQSh soǵysty retteý boiynsha saraptamalyq toptar qurady.
- - Pýtin men Tramp eki el arasyndaǵy qarym-qatynasty qalypqa keltirýge ózara múddeli ekenin bildirdi.
- - Pýtin men Tramp barlyq máseleler boiynsha bailanysta bolýǵa kelisti.
- - Resei "izgi niet belgisi" retinde Kievke aýyr jaralanǵan 23 ýkrainalyq áskeri qyzmetkerdi qaitarady.
- - Soǵystyń ýshyǵýyna jol bermeýdiń basty sharty – Kievke sheteldik áskeri kómekti tolyq toqtatý jáne barlaý málimetterin bermeý bolýy kerek.
- - Pýtin Trampqa Ýkrainada mobilizatsiiany toqtatý jáne ýkrain armiiasyn qaita qarýlandyrýdy doǵarý qajettigin aitty.
- - Pýtin Qara teńizdegi keme qatynasy qaýipsizdigine qatysty Tramptyń bastamasyna "konstrýktivti" túrde jaýap berdi.
Aita keteiik, Toqaev Pýtin men Tramptyń Ýkraina boiynsha telefon arqyly kelissóziniń qorytyndysyn quptaidy. Bul týraly Aqorda habarlady.
Prezident eki eldiń kóshbasshylary naqty ýaǵdalastyqtar negizinde Eýraziia keńistigindegi qaýipsizdikti qamtamasyz etý úshin asa mańyzdy uzaqmerzimdi beibitshilikke qol jetkizýge nietti ekenderin kórsetti dep sanaidy.
Memleket basshysy buǵan deiin barlyq derjavalardy Ýkraina boiynsha «Beibitshilik formýlasyn» ázirleý maqsatynda kelissózder protsesin bastaýǵa shaqyryp, BRIKS sammitinde Qytai men Braziliianyń beibitshilik josparyn qoldaǵan bolatyn.
