Resei prezidentiniń baspasóz hatshysy Dmitrii Peskov Irkýtsk oblysynda oba taralýy múmkin degen aqparattarǵa túsinikteme berip, jaǵdaiǵa qatysty tek resmi málimdemelerge senýge shaqyrdy, dep habarlaidy ult.kz.
Peskovtyń aitýynsha, bul máselege jaýapty negizgi memlekettik organ — Rospotrebnadzor. Sondyqtan túrli qaýeset pen boljamǵa emes, osy vedomstvonyń resmi aqparatyna súiený qajet.
«Bul jaǵdaida osy salaǵa jaýapty negizgi vedomstvo — Rospotrebnadzor. Sondyqtan túrli qaýesetke, boljamǵa jáne taǵy basqa aqparattarǵa qulaq aspai, Rospotrebnadzordyń resmi málimdemelerine baǵdarlaný kerek», — dedi Peskov.
Buǵan deiin Rospotrebnadzor Sibir jáne Qiyr Shyǵys obaǵa qarsy ǵylymi-zertteý institýtynda patogendi mikroorganizmdermen jumys kezinde qandai da bir apat bolǵanyn anyqtamaǵanyn málimdegen.
Vedomstvonyń habarlaýynsha, institýt qyzmetkeri aýyrǵannan keiin mamandar arnaiy sharalar keshenin uiymdastyrǵan. Naýqastan alynǵan materialdarǵa júrgizilgen keńeitilgen zertteýler onyń kásibi qyzmetimen bailanysty mikroorganizmderdi anyqtamaǵan.
Iaǵni ázirge Resei biligi Irkýtsk oblysyndaǵy ólim jaǵdaiyn oba aýrýymen bailanystyratyn resmi dálel keltirgen joq.
