Ótken jyly tutynýshylyq nesieler 40 paiyzǵa ósti. Bul týraly QR Qarjy naryǵyn retteý jáne damytý agenttiginiń tóraǵasy Mádina Ábilqasymova málim etti, dep habarlaidy QazAqparat.
«Byltyr tutynýshylyq kredit 40 paiyzǵa ósti. Osy ósý problemasymen qatar, kreditin ótei almaityndardyń da sany artyp keledi. Sol sebepti biz túrli sharalardy qabyldap jatyrmyz», - dedi Ábilqasymova Parlament Májilisinde tilshiler saýalyna jaýap bere otyryp.
Onyń aitýynsha, elimizde qaryz júktemesi koeffitsienti paidalanylyp jatyr.
«Bankter men mikroqarjy uiymdary nesie bergen kezde, qaryz alýshynyń tabysyn baǵalaýy tiis. Nesie boiynsha ai saiynǵy tólem somasy qaryz alatyn adamnyń ai saiynǵy tabysynyń 50 paiyzynan aspaýy kerek. Eger bul deńgeiden asyp tússe, onda bank nemese nesie uiymdary kredit bermeýi tiis. Olar bul talaptardy oryndamasa, biz qadaǵalaý is-sharalaryn júzege asyramyz», - dedi agentik basshysy.
