Foto: JI
Kreativti indýstriiany damytý – memlekettiń basty strategiialyq baǵyttarynyń biri. 2029 jylǵa deiingi Ulttyq damý josparynyń mańyzdy tarmaǵyna engen bul sala Memleket basshysynyń erekshe nazarynda. Qazaqstan kreativti ekonomikany qoldaý arqyly jańa jumys oryndaryn ashyp, innovatsiialardy damytýdy jáne álemdik deńgeide óz imidjin kóterýdi kózdeidi, dep habarlaidy Ult.kz.
Jańa zań jáne qor qurylýy
Biyl "Kreativti indýstriialardy damytý týraly" Zań qabyldanyp, saladaǵy memlekettik jáne jergilikti organdardyń quzyreti keńeitildi. Sonymen qatar, Úkimet janynan Kreativti indýstriialardy damytý qory qurylmaq. Bul qor talantty azamattardy qoldap, infraqurylym men eksporttyq múmkindikterdi damytýǵa baǵyttalǵan. Qor jobalardy qarjylandyrýǵa lotereia tabysynyń 3%-yn paidalaný usynysyn qarastyrýda.
"e-Creative" platformasy jáne habtar júiesi
Qazaqstannyń iri qalalarynda 12 kreativti hab jumys istep tur, al 2025 jylǵa deiin taǵy 8 hab ashý josparlanǵan. Sondai-aq, "e-Creative" biryńǵai reestri iske qosylyp, kreatorlardyń jobalaryn avtomattandyrý jáne tájiribe almasý múmkindigi keńeitiledi.
Salyqtyq jeńildikter jáne eksportty qoldaý
Kreativti salanyń 40 qyzmet túri arnaiy salyq rejimine engizilip, kásipkerlerge jeńildikter usynyldy. Nátijesinde, tirkelgen sýbektiler sany 15%-ǵa artty. Qazaqstandyq kreativti ónimderdi halyqaralyq naryqqa shyǵarý úshin arnaiy marketpleis platformasy iske qosylýda.
Qazaqstannyń jahandyq jetistigi
2024 jyly Qazaqstan Global Innovation Index reitinginde "Kreativti taýarlar men qyzmetter" kórsetkishi boiynsha 93-orynnan 65-orynǵa kóterildi. Bul – memlekettik qoldaý men júieli jumystyń nátijesi. Álemdik deńgeide tanylǵan Dimash Qudaibergen, DJ Imanbek, Timýr Bekmambetov syndy tulǵalar eldiń kreativti indýstriiasynyń bedelin asqaqtatýda.
