Foto: ashyq derekkóz
Sý ishý úshin krandy birneshe minýt ashyq qaldyrýdyń qajeti joq. Aldyn ala sý aǵyzý tek sanitarlyq-epidemiologiialyq tekserý úshin synama alynatyn jaǵdaida ǵana kerek, dep habarlaidy Ult.kz.
Sýdyń aǵysyn qansha ýaqyt aǵyzý qajet ekeni zertteý maqsatyna bailanysty. Mysaly, sý sapasyna áser etetin materialdardy zertteý úshin sýdy aldyn ala aǵyzbai-aq synama alý kerek. Al himiialyq tepe-teńdikti anyqtaý úshin sýdy 2–3 minýttai aǵyzyp jiberý jetkilikti.
Sýdaǵy mikrobiologiialyq kórsetkishterdi anyqtaý úshin metall krandardy aldymen otqa ustap zararsyzdandyrý kerek, al plastik krandardy arnaiy quralmen dezinfektsiialaý qajet. Mundai jaǵdaida sýdy krandy tolyq ashyp, keminde 10 minýt aǵyzý kerek.
«Ishýge arnalǵan sýdy aldymen aǵyzyp jiberýdiń qajeti joq. Bul – sýdy beker ysyrap etý. Ministrlik kerisinshe, sýdy únemdep paidalanýǵa shaqyrady. Osy maqsatta arnaiy ádistemelik usynystar ázirlengen. Olardy saqtaý arqyly alty adamnan turatyn otbasy jylyna 35 myń litrge deiin sý únemdei alady. Qazir bul usynystardy el kólemindegi qoǵamdyq oryndarǵa taratý jumysy júrgizilip jatyr», – dedi Sý resýrstary jáne irrigatsiia ministrligi Sýdy únemdeý tehnologiialaryn damytý departamentiniń direktory Berikbol Mándibaev.
Usynylǵan sharalar qatarynda mynalar bar: kir jýatyn jáne ydys jýatyn mashinalardy tolyq júktememen paidalaný, avtomatty sensorly krandar ornatý, dárethanada eki rejimdi sý shyǵarý tetikterin ornatý, krandarǵa aeratsiialyq saptamalar qoiý, krandardyń tehnikalyq jaǵdaiyn turaqty tekserip turý jáne aqaý ne aǵyp jatqan jerlerdi ýaqytyly jóndeý.
