فوتو: اشىق دەرەككٶز
سۋ ٸشۋ ٷشٸن كراندى بٸرنەشە مينۋت اشىق قالدىرۋدىڭ قاجەتٸ جوق. الدىن الا سۋ اعىزۋ تەك سانيتارلىق-ەپيدەميولوگييالىق تەكسەرۋ ٷشٸن سىناما الىناتىن جاعدايدا عانا كەرەك, دەپ حابارلايدى Ult.kz.
سۋدىڭ اعىسىن قانشا ۋاقىت اعىزۋ قاجەت ەكەنٸ زەرتتەۋ ماقساتىنا بايلانىستى. مىسالى, سۋ ساپاسىنا ەسەر ەتەتٸن ماتەريالداردى زەرتتەۋ ٷشٸن سۋدى الدىن الا اعىزباي-اق سىناما الۋ كەرەك. ال حيمييالىق تەپە-تەڭدٸكتٸ انىقتاۋ ٷشٸن سۋدى 2–3 مينۋتتاي اعىزىپ جٸبەرۋ جەتكٸلٸكتٸ.
سۋداعى ميكروبيولوگييالىق كٶرسەتكٸشتەردٸ انىقتاۋ ٷشٸن مەتالل كرانداردى الدىمەن وتقا ۇستاپ زارارسىزداندىرۋ كەرەك, ال پلاستيك كرانداردى ارنايى قۇرالمەن دەزينفەكتسييالاۋ قاجەت. مۇنداي جاعدايدا سۋدى كراندى تولىق اشىپ, كەمٸندە 10 مينۋت اعىزۋ كەرەك.
«ٸشۋگە ارنالعان سۋدى الدىمەن اعىزىپ جٸبەرۋدٸڭ قاجەتٸ جوق. بۇل – سۋدى بەكەر ىسىراپ ەتۋ. مينيسترلٸك كەرٸسٸنشە, سۋدى ٷنەمدەپ پايدالانۋعا شاقىرادى. وسى ماقساتتا ارنايى ەدٸستەمەلٸك ۇسىنىستار ەزٸرلەنگەن. ولاردى ساقتاۋ ارقىلى التى ادامنان تۇراتىن وتباسى جىلىنا 35 مىڭ ليترگە دەيٸن سۋ ٷنەمدەي الادى. قازٸر بۇل ۇسىنىستاردى ەل كٶلەمٸندەگٸ قوعامدىق ورىندارعا تاراتۋ جۇمىسى جٷرگٸزٸلٸپ جاتىر», – دەدٸ سۋ رەسۋرستارى جەنە يرريگاتسييا مينيسترلٸگٸ سۋدى ٷنەمدەۋ تەحنولوگييالارىن دامىتۋ دەپارتامەنتٸنٸڭ ديرەكتورى بەرٸكبول مەندٸباەۆ.
ۇسىنىلعان شارالار قاتارىندا مىنالار بار: كٸر جۋاتىن جەنە ىدىس جۋاتىن ماشينالاردى تولىق جٷكتەمەمەن پايدالانۋ, اۆتوماتتى سەنسورلى كراندار ورناتۋ, دەرەتحانادا ەكٸ رەجيمدٸ سۋ شىعارۋ تەتٸكتەرٸن ورناتۋ, كراندارعا اەراتسييالىق ساپتامالار قويۋ, كرانداردىڭ تەحنيكالىق جاعدايىن تۇراقتى تەكسەرٸپ تۇرۋ جەنە اقاۋ نە اعىپ جاتقان جەرلەردٸ ۋاقىتىلى جٶندەۋ.
