Qazaqstan Respýblikasy Úkimetiniń qaýlysymen Mádi Tókeshuly Tákiev QR Ulttyq ekonomika vitse-ministri qyzmetine taǵaiyndaldy.
M. Tákiev 1978 jyly Almaty oblysynda dúniege kelgen. Qazaq memlekettik basqarý akademiiasyn, D. Qonaev atyndaǵy ýniversitetti, sondai-aq Halyqaralyq biznes ýniversitetin támamdaǵan.
Eńbek jolyn 1998 jyly bastaǵan. Túrli jyldary Almaty q., Almaty oblysy boiynsha Salyq departamentinde jumys istegen.
2012–2013 jyldary — QR Qarjy ministrliginiń Salyq komitetiniń basqarma basshysy.
2013–2014 jyldary — Ulttyq ekonomika ministrliginiń salyq jáne keden saiasaty departamentiniń direktory qyzmetin atqardy.
2014 jyly QR Premer-Ministri Keńsesiniń Áleýmettik-ekonomikalyq bóliminiń bas keńesshisi bolyp jumys istedi.
2014 jyldan 2017 jyl aralyǵynda Atyraý oblysynyń Memlekettik kirister departamentiniń basshysy qyzmetin atqardy.
2017 jyldan bastap — QR Qarjy ministrliginiń Memlekettik kirister komitetiniń Salyqtyq baqylaý departamentiniń direktory.
