QR Úkimetiniń qaýlysymen Bekeshev Baýyrjan Beisenbaiuly ulttyq ekonomika vitse-ministri laýazymyna taǵaiyndaldy, dep habarlaidy "Ult aqparat".
Baýyrjan Bekeshev 1961 jyly Qaraǵandy oblysynda dúniege kelgen.
1983 jyly Qaraǵandy politehnika institýtyn, 2001 jyly — E. A. Bóketov atyndaǵy Qaraǵandy memlekettik ýniversitetin támamdaǵan. Mamandyǵy boiynsha — injener-mehanik, zańger.
Eńbek jolyn 1983 jyly Qaraǵandy qalasynda óndiriske oqytý sheberi qyzmetinen bastaǵan.
1986–1997 jyldary injener-konstrýktor, «Qaraǵandykómir» ÓB taý-ken shahta jabdyqtaryn jóndeý zaýytynyń kombaindar jóndeý tsehy basshysynyń orynbasary bolyp qyzmet atqarǵan.
1999–2008 jyldary «Qaraǵandy oblysynyń kásipkerlik jáne ónerkásip departamenti» MB-de, Kásipkerler men jumys berýshilerdiń jalpyulttyq odaǵynda, «Qazaqstandyq PET-qaptama óndirýshiler qaýymdastyǵy» ZTB-de jumys istegen.
2008–2014 jyldary indýstriia jáne saýda, ekonomika jáne biýdjettik josparlaý, ekonomikalyq damý jáne saýda, óńirlik damý, ulttyq ekonomika ministrlikterinde túrli qyzmetterdi atqarǵan.
2014 jyldan bastap qazirgi tańǵa deiin Máskeý qalasynda Eýraziialyq ekonomikalyq komissiianyń Kásipkerlik qyzmetti damytý departamentiniń direktory bolyp jumys istegen.
«Eren eńbegi úshin», «QR Táýelsizdigine 20 jyl» medaldarymen marapattalǵan.
