Arman Jumabekov QR ulttyq ekonomika birinshi vitse-ministri bolyp taǵaiyndaldy. Bul týraly QR Premer-Ministriniń baspasóz qyzmeti habarlady.
"Qazaqstan Respýblikasy Úkimetiniń qaýlysymen Arman Daiyruly Jumabekov QR ulttyq ekonomika birinshi vitse-ministri qyzmetine taǵaiyndaldy" delingen resmi habarlamada.
Arman Jumabekov 1973 jyly Aqmola oblysynda dúniege kelgen. E. Bóketov atyndaǵy Qaraǵandy memlekettik ýniversitetin támamdaǵan.
Eńbek jolyn 1990 jyly bastaǵan. Túrli jyldary Memlekettik kirister ministrliginiń qurylymynda, QR Premer-Ministri Keńsesinde, Prezident Ákimshiliginde, sondai-aq, kommertsiialyq sektorda jumys istegen.
2018 jylǵy mamyrdan bastap 2019 jylǵy naýryzǵa deiin QR Ulttyq ekonomika ministrliginiń jaýapty hatshysy laýazymyn atqarǵan.
