Ulttyq bank teńgeniń nelikten nyǵaiyp jatqanyn túsindirdi, - dep habarlaidy kaz.tengrinews.kz tilshisi qarjy retteýshi vedomstvonyń baspasóz qyzmetine silteme jasap.
Videony QR Ulttyq bank baspasóz qyzmeti jiberdi
"Sońǵy eki aida teńgeniń aitarlyqtai nyǵaiyp kele jatqanyn kórip júrmiz. Teńge meniń oiymsha, búgin, óz shyńyna jetti. Biz búgin 317 deńgeiine deiin túsirdik, iaǵni 316,9 teńgege deiin jetti. Bul nege bailanysty? Birinshiden bul munai baǵasynyń kúrt qymbattaýyna bailanysty. Sonymen qatarreseilik rýbldiń nyǵaiýyna bailanysty. Teńgege qatysty ne kórip otyrmyz? Birden aitaiyn, Ulttyq bank sońǵy bes aida baǵamnyń qalyptasýyna aralaspaidy. Alaida teńgeniń nyǵaiýy saqtalyp otyr. Bul trende ýaqyt faktoryna áser etedi. Bizde qazir salyq aptalyǵy bastaldy, eksportshylar tólemder jasaityn kez. Biz qazir kóptegen bankterdiń munaidollaryn satyp jatqanyn kórip júrmiz, bul ádis qatty aitqanda, eksportshylar salyq tóleýgemúmkindigi bolý úshin jasalady. Bul faktorteńgeni nyǵaiýyn údetedi", - dedi QR Ulttyq Banktiń monetarlyq operatsiia departamentiniń direktory Áliia Moldabekova.
Búgin, KASE qor birjasynyń tańǵy saýdasynda Ulttyq valiýtanyń dollarǵa shaqqandaǵy baǵamy 314,82 teńgege teń boldy.
Tańǵy saýdanyń birinshi kelisimi 315,50 teńgemen ótti. Minimaldyq quny 314,29 teńge bolsa, maksimaldyq quny - 316. Saýdanyń jalpy kólemi 189,250 million dollarǵa jetti.
Kurs.kz málimetinshe, ulttyq valiýtanyń dollarǵa shaqqandaǵy baǵamy 313,5 - 314 aralyǵynda.
