QR Ulttyq qaýipsizdik komiteti «Memlekettik tehnikalyq qyzmet» RMK direktory bolyp Asqar Júnisbek taǵaiyndaldy, dep habarlaidy "Ult aqparat" atalmysh mekemeniń saityna silteme jasap.
Asqar Raqymbaiuly S.M.Kirov atyndaǵy Qazaq ulttyq ýniversitetin, mehanika jáne qoldanbaly matematika fakýltetin bitirdi. Óziniń eńbek qyzmetin Almaty oblysy Qoǵaly orta mektebiniń matematika jáne informatika muǵalimi retinde bastady. Ár jyldary aqparatty qorǵaý men kiberqylmystardyń aldyn alý baǵyty boiynsha basshylyq laýazymdarda, 2013 jyldan bastap «Memlekettik tehnikalyq qyzmet» RMK direktorynyń birinshi orynbasary laýazymynda qyzmet atqardy.
Sonymen birge Máskeý qalasyndaǵy Úkimet bailanysy men aqparaty jónindegi federaldyq agenttikke qarasty Jańa tehnologiialardyń oqý-metodiologiialyq ortalyǵynyń kompiýterlik júielerdiń qaýipsizdigin qamtamasyz etý diplomy bar.
Asqar Júnisbek qol jetkizgen oń nátijeleri úshin birneshe ret vedomstvolyq jáne úkimet nagradalarymen, túrli halyqaralyq gramotalarmen jáne diplomdarmen yntalandyryldy, «Ereń eńbegi úshin» memlekettik medalin ielendi.
