Qazaqstan Respýblikasynyń Premer-Ministri Asqar Mamin barlaý jáne ken óndirý jónindegi prezidenti Arno Brioiiaktiń jetekshiligimen Total ókilderimen kelissózder júrgizdi, dep habarlaidy "Ult aqparat" primeminister.kz saityna silteme jasap.
Total kompaniiasynyń basshylyǵymen kezdesýde munai-gaz sektory salasyndaǵy yntymaqtastyq máseleleri keńinen talqylandy. Soltústik Kaspii jobasynda qazaqstandyq qamtýdy arttyrýǵa, Qazaqstan aýmaǵynda jańa óndirister uiymdastyrý men tehnologiialar berý úshin birlesken kompaniialardy damytýǵa erekshe nazar aýdaryldy. Kezdesý barysynda sonymen qatar jańartylatyn energiia kózderin damytý boiynsha birlesken jobalar qaraldy.
QR Premer-Ministri Asqar Mamin birlesken jobalardy iske asyrýdyń áleýmettik áseri asa mańyzdy ekenin atap ótti. Bul birinshi kezekte jańa bilikti jumys oryndaryn ashý, ol jergilikti halyqtyń nátijeli jumyspen qamtamasyz etýge múmkindik beredi.
Kezdesý qorytyndysy boiynsha Dýnga jáne Abai jobalary boiynsha qujattarǵa qol qoiyldy.
Dýnga ken orny boiynsha qujattarǵa QR energetika ministri Qanat Bozymbaev, Kaspii jáne Ońtústik Eýropa boiynsha «Total Barlaý jáne Ken óndirý» vitse-prezidenti Bernar Kleman, «Oman Oil Barlaý jáne Ken óndirý» birlesken kásiporyndary boiynsha direktor Abdýl Vahab ál Býlýshi, «Parteks Oil jáne Gaz» basqarma múshesi Fernando Alvesh qol qoidy.
Kelisimge sáikes, Dýnga ken ornynyń ónimin bólý týraly kelisimsharttyń jaramdylyq merzimi 2024 jyldan 2039 jylǵa deiin 15 jylǵa uzartylady, bul qosymsha 9 mln. tonnaǵa jýyq munai óndirýge múmkindik beredi. Taraptar sonymen qatar Dýnga ken ornyn igerýdiń 3 fazasyn iske asyrý týraly kelisimge keldi, onyń aiasynda kompaniialar $300 mln-ǵa jýyq qarajat investitsiia salady, bul munai óndirýdi jylyna aǵymdaǵy 600 myń tonnadan 850 myń tonnaǵa deiin eń joǵarǵy deńgeige jetkizýge múmkindik beredi.
Qujattyń mańyzdy sharty - Ilgerlegen shkala boiynsha kelisim aiasynda kirisi mol ónim salasynda QR-nyń úlesin aǵymdaǵy 40%-dan 2025 jyldyń 1 qańtaryna qarai 60%-ǵa deiin arttyrý. Kelisimde kompaniialardyń Qazaqstannyń ishki naryǵyna óndirilgen munaidyń bir bóligin jetkizý jáne jyl saiyn keminde $1 mln kóleminde áleýmettik-infraqurylymdyq jobalardy qarjylandyrý boiynsha mindettemeleri bektiligen.
Óz kezeginde, Kaspii teńiziniń qazaqstandyq sektorynda Abai teńiz ýchaskesinde birlesken qyzmet aiasynda kómirsýtekterdi barlaý jáne óndirýde jer qoinaýyn paidalaný quqyǵyn berý boiynsha tikelei kelissózder hattamasyna QR energetika birinshi vitse-ministri Mahambet Dosmuhambetov, «QazMunaiGaz» AQ basqarma tóraǵasynyń orynbasary Q. Esqaziev jáne ENI Ortalyq Aziia aimaǵy boiynsha atqarýshy vitse-prezidenti Lýka Viniati qol qoidy.
Jobalardy iske asyrý Kaspii teńiziniń qazaqstandyq sektorynda kómirsýtekti barlaý jáne óndirýge investitsiialardy arttyrýdy qamtamasyz etedi. Qujatqa sáikes, Abai ýchaskesinde kómirsýtekti barlaýǵa jáne óndirýge kelisim jasalǵan, onda qarastyrylǵan: tereńdigi 2500 m birinshi izdeý-barlaý skvajinasyn burǵylaý, 700 boilyq km kóleminde 2D seismikalyq barlaý jumystaryn júrgizý jáne jalpy somasy 14 mlrd teńge bolatyn ózge de jumystar.
Jalpy, kelisimdi iske asyrý Qazaqstan úshin jobanyń ekonomikalyq tiimdiligin arttyrýǵa ákeledi, sondai-aq munaiservistik kompaniialar úshin qosymsha jumys kólemi men qyzmetterin qurýǵa, óńirde jańa jumys oryndarynyń ashylýyna septigin tigizedi.
