قازاقستان رەسپۋبليكاسىنىڭ پرەمەر-مينيسترٸ اسقار مامين بارلاۋ جەنە كەن ٶندٸرۋ جٶنٸندەگٸ پرەزيدەنتٸ ارنو بريويياكتٸڭ جەتەكشٸلٸگٸمەن Total ٶكٸلدەرٸمەن كەلٸسسٶزدەر جٷرگٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
Total كومپانيياسىنىڭ باسشىلىعىمەن كەزدەسۋدە مۇناي-گاز سەكتورى سالاسىنداعى ىنتىماقتاستىق مەسەلەلەرٸ كەڭٸنەن تالقىلاندى. سولتٷستٸك كاسپيي جوباسىندا قازاقستاندىق قامتۋدى ارتتىرۋعا, قازاقستان اۋماعىندا جاڭا ٶندٸرٸستەر ۇيىمداستىرۋ مەن تەحنولوگييالار بەرۋ ٷشٸن بٸرلەسكەن كومپانييالاردى دامىتۋعا ەرەكشە نازار اۋدارىلدى. كەزدەسۋ بارىسىندا سونىمەن قاتار جاڭارتىلاتىن ەنەرگييا كٶزدەرٸن دامىتۋ بويىنشا بٸرلەسكەن جوبالار قارالدى.
قر پرەمەر-مينيسترٸ اسقار مامين بٸرلەسكەن جوبالاردى ٸسكە اسىرۋدىڭ ەلەۋمەتتٸك ەسەرٸ اسا ماڭىزدى ەكەنٸن اتاپ ٶتتٸ. بۇل بٸرٸنشٸ كەزەكتە جاڭا بٸلٸكتٸ جۇمىس ورىندارىن اشۋ, ول جەرگٸلٸكتٸ حالىقتىڭ نەتيجەلٸ جۇمىسپەن قامتاماسىز ەتۋگە مٷمكٸندٸك بەرەدٸ.
كەزدەسۋ قورىتىندىسى بويىنشا دۋنگا جەنە اباي جوبالارى بويىنشا قۇجاتتارعا قول قويىلدى.
دۋنگا كەن ورنى بويىنشا قۇجاتتارعا قر ەنەرگەتيكا مينيسترٸ قانات بوزىمباەۆ, كاسپيي جەنە وڭتٷستٸك ەۋروپا بويىنشا «توتال بارلاۋ جەنە كەن ٶندٸرۋ» ۆيتسە-پرەزيدەنتٸ بەرنار كلەمان, «ومان ويل بارلاۋ جەنە كەن ٶندٸرۋ» بٸرلەسكەن كەسٸپورىندارى بويىنشا ديرەكتور ابدۋل ۆاحاب ەل بۋلۋشي, «پارتەكس ويل جەنە گاز» باسقارما مٷشەسٸ فەرناندو الۆەش قول قويدى.
كەلٸسٸمگە سەيكەس, دۋنگا كەن ورنىنىڭ ٶنٸمٸن بٶلۋ تۋرالى كەلٸسٸمشارتتىڭ جارامدىلىق مەرزٸمٸ 2024 جىلدان 2039 جىلعا دەيٸن 15 جىلعا ۇزارتىلادى, بۇل قوسىمشا 9 ملن. تونناعا جۋىق مۇناي ٶندٸرۋگە مٷمكٸندٸك بەرەدٸ. تاراپتار سونىمەن قاتار دۋنگا كەن ورنىن يگەرۋدٸڭ 3 فازاسىن ٸسكە اسىرۋ تۋرالى كەلٸسٸمگە كەلدٸ, ونىڭ اياسىندا كومپانييالار $300 ملن-عا جۋىق قاراجات ينۆەستيتسييا سالادى, بۇل مۇناي ٶندٸرۋدٸ جىلىنا اعىمداعى 600 مىڭ توننادان 850 مىڭ تونناعا دەيٸن ەڭ جوعارعى دەڭگەيگە جەتكٸزۋگە مٷمكٸندٸك بەرەدٸ.
قۇجاتتىڭ ماڭىزدى شارتى - ٸلگەرلەگەن شكالا بويىنشا كەلٸسٸم اياسىندا كٸرٸسٸ مول ٶنٸم سالاسىندا قر-نىڭ ٷلەسٸن اعىمداعى 40%-دان 2025 جىلدىڭ 1 قاڭتارىنا قاراي 60%-عا دەيٸن ارتتىرۋ. كەلٸسٸمدە كومپانييالاردىڭ قازاقستاننىڭ ٸشكٸ نارىعىنا ٶندٸرٸلگەن مۇنايدىڭ بٸر بٶلٸگٸن جەتكٸزۋ جەنە جىل سايىن كەمٸندە $1 ملن كٶلەمٸندە ەلەۋمەتتٸك-ينفراقۇرىلىمدىق جوبالاردى قارجىلاندىرۋ بويىنشا مٸندەتتەمەلەرٸ بەكتٸلٸگەن.
ٶز كەزەگٸندە, كاسپيي تەڭٸزٸنٸڭ قازاقستاندىق سەكتورىندا اباي تەڭٸز ۋچاسكەسٸندە بٸرلەسكەن قىزمەت اياسىندا كٶمٸرسۋتەكتەردٸ بارلاۋ جەنە ٶندٸرۋدە جەر قويناۋىن پايدالانۋ قۇقىعىن بەرۋ بويىنشا تٸكەلەي كەلٸسسٶزدەر حاتتاماسىنا قر ەنەرگەتيكا بٸرٸنشٸ ۆيتسە-مينيسترٸ ماحامبەت دوسمۇحامبەتوۆ, «قازمۇنايگاز» اق باسقارما تٶراعاسىنىڭ ورىنباسارى ق. ەسقازيەۆ جەنە ENI ورتالىق ازييا ايماعى بويىنشا اتقارۋشى ۆيتسە-پرەزيدەنتٸ لۋكا ۆينياتي قول قويدى.
جوبالاردى ٸسكە اسىرۋ كاسپيي تەڭٸزٸنٸڭ قازاقستاندىق سەكتورىندا كٶمٸرسۋتەكتٸ بارلاۋ جەنە ٶندٸرۋگە ينۆەستيتسييالاردى ارتتىرۋدى قامتاماسىز ەتەدٸ. قۇجاتقا سەيكەس, اباي ۋچاسكەسٸندە كٶمٸرسۋتەكتٸ بارلاۋعا جەنە ٶندٸرۋگە كەلٸسٸم جاسالعان, وندا قاراستىرىلعان: تەرەڭدٸگٸ 2500 م بٸرٸنشٸ ٸزدەۋ-بارلاۋ سكۆاجيناسىن بۇرعىلاۋ, 700 بويلىق كم كٶلەمٸندە 2د سەيسميكالىق بارلاۋ جۇمىستارىن جٷرگٸزۋ جەنە جالپى سوماسى 14 ملرد تەڭگە بولاتىن ٶزگە دە جۇمىستار.
جالپى, كەلٸسٸمدٸ ٸسكە اسىرۋ قازاقستان ٷشٸن جوبانىڭ ەكونوميكالىق تيٸمدٸلٸگٸن ارتتىرۋعا ەكەلەدٸ, سونداي-اق مۇنايسەرۆيستٸك كومپانييالار ٷشٸن قوسىمشا جۇمىس كٶلەمٸ مەن قىزمەتتەرٸن قۇرۋعا, ٶڭٸردە جاڭا جۇمىس ورىندارىنىڭ اشىلۋىنا سەپتٸگٸن تيگٸزەدٸ.
