QR ulttyq ekonomika ministri Qýandyq Bishimbaev Úkimet otyrysynda baǵdarlamanyń basym baǵyttary ipotekalyq qaryzdardy sýbsidiialaý arqyly ipotekalyq nesie berýdi qoldaý, qurylys salýshylardy yntalandyrý, Turǵyn úi qurylys jinaq bankiniń salymshylary jáne ákimdikterde kezekte turǵan azamattar úshin nesielik turǵyn úi qurylysynyń kólemin ulǵaitý bolatynyn baiandady.
Sondai-aq, baǵdarlama aiasynda halyqtyń áleýmettik jaǵynan osal toptary úshin satyp alý quqyǵynsyz jalǵa beriletin turǵyn úidiń óńirlik qoryn qurý, qajetti infraqurylym júrgizý arqyly jeke turǵyn úi qurylysyn damytý josparlanǵan.
Jeke turǵyn úi qurylysy jańa baǵdarlamasyn júzege asyrýdyń nátijesinde 1,5 mln sharshy metr turǵyn úi salynatyn bolady.
«Tapcyrma Memleket basshysy tarapynan berildi, baǵdarlama kerek, adamdar kútip otyr. Jumysty kúsheitý kerek. Búgingi otyrysta aitylǵan barlyq usynystardy taǵy bir márte qarastyrý kerek, ol barlyǵyn alańdatyp otyr. Sol úshin jyl sońyna deiin, Asqar Uzaqpaiuly (Asqar Mamin - QR Premer-ministriniń birinshi orynbasary. - AA), barlyǵymen birge taǵy bir ret qarastyryp, bekitýge usyný kerek», - dedi B. Saǵyntaev.
«Atalǵan baǵdarlama turǵyn úi qurylysyn damytýǵa, otandyq kásiporyndardyń qurylys qýatyn paidalanýǵa mańyzdy serpin beredi jáne jergilikti qamtý úlesin 90%-dan arttyrýǵa deiin múmkindik beredi. Sonymen qatar, baǵdarlamada usynylǵan quraldar búginde joq ekenin aita ketý kerek. Bul quraldardy engizý kóppáterli baspana men jeke turǵyn úi qurylysyn damytýǵa mańyzdy serpin beredi. Barlyq tetikteri óńirlermen talqylandy, barlyq eskertýler baǵdarlamanyń sońǵy redaktsiiasynda kórinis tabatyn bolady. Biz onyń qurylysta jáne qalalarymyzdyń zamanaýi kelbetin qalyptastyrýda mańyzy joǵary bolady dep sanaimyz», - dedi A. Mamin.
Eske sala keteiik, biylǵy jyldyń qyrkúiek aiynda QR Prezidenti Nursultan Nazarbaev Úkimetke jańa mindetter júktep, taiaý bolashaqtaǵy basymdyq beriletin jumystardy aiqyndap bergen bolatyn. Úkimetke birneshe memlekettik baǵdarlama daiyndaý tapsyryldy, onyń ishinde nátijeli eńbekpen qamtý jáne ózin-ózi jumyspen qamtyǵan azamattardy shaǵyn jáne orta bizneske tartý baǵdarlamasy, 2017-2021 jyldarǵa arnalǵan agroónerkásip keshenin damytý baǵdarlamasy jáne jeke turǵyn úi qurylysy baǵdarlamasy bar.
