Qazaqstan Úkimeti Ulttyq bankpen jáne «Qazaqmys korporatsiiasy» JShS birlesip «Bank RBK» Banki» AQ-ty qalypqa keltirý sharalarynyń keshenin ázirledi. Bul týraly Úkimet otyrysynyń qorytyndysy boiynsha jýrnalisterdiń suraqtaryna jaýap berý kezinde QR Ulttyq Bankiniń Tóraǵasy Daniiar Aqyshev aityp berdi, dep habarlaidy "Ult aqparat".
Qazirgi ýaqytta «Bank RBK» Banki» AQ ótimdiliktiń jetkilikti deńgeiin qamtamasyz etýmen bailanysty qiyndyqtardy bastan keshirip otyrǵany belgili. Soǵan bailanysty Banktiń klienttik tólemderdi ýaqtyly júzege asyrýy shekteýli.
Buryn habarlanǵandai, Ulttyq Bank QR Úkimetimen jáne áleýetti investorlarmen birlesip kelissózder júrgizdi, sonyń nátijesinde Bankti qalypqa keltirý jóninde sharalar kesheni ázirlendi.
Daniiar Aqyshev qalypqa keltirý modeli Bankti investorlardyń 160 mlrd teńge somasyndaǵy qarajaty esebinen kapitaldandyrýdy jáne Banktiń ornyqty damýyn qamtamasyz etý maqsatynda investorlardyń onyń biznes-modelin odan ári jetildirýin boljaitynyn aityp berdi. Sonymen qatar sharalar kesheni aktsionerler men basqa bailanysty tulǵalarǵa berilgen shamamen 600 mlrd teńge somasyndaǵy problemalyq portfeldi jeke arnaiy qarjy kompaniiasyna berýdi kózdeidi.
Ulttyq Bank basshysy arnaiy qarjy kompaniiasyna berilgen mindettemelerge berilgen portfelden túsetin túsimder esebinen qyzmet kórsetiletinin naqtylady.
«Jaqyn ýaqytta Ulttyq Bank Basqarmasy Qazaqstan Respýblikasy bank sektorynyń qarjylyq ornyqtylyǵyn arttyrý jónindegi baǵdarlamaǵa qatysý sheńberinde Banktiń shamamen 240 mlrd teńge somasyndaǵy ótinimin qaraidy», - dedi D. Aqyshev.
Ol joǵaryda kórsetilgen qalypqa keltirý sharalary Ulttyq Bank qazirgi ýaqytta iske asyryp jatqan, Ulttyq Bank Basqarmasynyń 2017 jylǵy 30 maýsymdaǵy № 129 qaýlysymen bekitilgen Qazaqstan Respýblikasy bank sektorynyń qarjylyq ornyqtylyǵyn arttyrý jónindegi baǵdarlamanyń bir bóligi bolyp tabylatynyn atap ótti.
Joǵaryda kórsetilgen is-sharalardy iske asyrý nátijesinde Banktegi ahýal turaqtanady dep kútiledi.
«Ótimdiliktiń túsýine qarai jaqyn arada Bank áleýmettik turǵydan mańyzdy tólemder boiynsha, sondai-aq usaq jáne orta salymshylardyń depozitteri boiynsha mindettemelerdi oryndai bastaidy», - dep atap ótti Ulttyq Bank Basshysy.
Qazirgi kezde Bankte jeke tulǵalar jalpy alǵanda 28 139 shot ashyp, 188 mlrd teńgege salym salǵan. Soǵan bailanysty memleket Ulttyq Bank, Úkimet jáne kvazimemlekettik sektor qarajatynyń esebinen Bankke qoldaý kórsetý týraly sheshim qabyldady.
Ulttyq Bank Banktiń aǵymdaǵy ziianǵa ákep soqqan kredit saiasatyn iske asyrýy bóliginde Banktiń ýákiletti organdarynyń qyzmetine taldaý júrgizedi, sodan soń tiisti materialdar odan ári sharalar qabyldaý úshin quqyq qorǵaý organdaryna jiberiletin bolady.
