QR Mashina jasaýdy damytýǵa qatysý týraly kelisimge Qazaqstan Premer-Ministriniń orynbasary Roman Skliar men «Tatneft» JAQ bas direktory Nail Maganov qol qoidy, dep jazady primeminister.kz.
Qujat Qazaqstanda avtomobil shinalarynyń joǵary tehnologiialyq óndirisin ashýdy, soǵan sáikes jańa jumys oryndaryn qurýdy, ishki naryqtyń qajettiligin qamtamasyz etýdi jáne eksporttyq áleýetti damytýdy kózdeidi.
Kezdesý barysynda taraptar Qazaqstandaǵy mashina jasaý salasyndaǵy oń ósim dinamikasyn atap ótti, bul rette jańa birlesken óndiristi qurý bolashaqta eki eldiń saýda-ekonomikalyq jáne investitsiialyq áriptestigin arttyrýǵa múmkindik beredi.
Kásiporynnyń qurylys orny Qaraǵandy oblysynyń Saran qalasynda ornalasatyn bolady, bas jobalaýshy aiqyndaldy, jabdyqqa tehnikalyq taldaý júrgiziledi, qurylys-jóndeý jumystary úshin merdigerlik uiymdarǵa akkreditteý júrgiziledi.
Joba sheńberinde mamandardy turaqty daiarlaý jáne rotatsiialaý úshin jergilikti bilim berý mekemelerimen yntymaqtastyq belgilengen. Qyzmetkerlerdiń birinshi toby Tatarstandaǵy zaýytta oqýdan ótedi. Jańa qazaqstandyq kásiporynǵa barlyǵy 1100-den astam maman qajet.
Jobaǵa sáikes shinalardyń premeralyq partiiasy Qazaqstandaǵy konveierden 2022 jyly shyǵady. Zaýyttyń óndiristik qýaty jeńil tehnikaǵa arnalǵan 3 mln shina men kommertsiialyq tehnika men avtobýstarǵa arnalǵan 500 myń shinany quraidy.
