Úkimet pen Ulttyq Bank halyqtyń ál-aýqatyn arttyrý, ekonomikalyq ósimdi ulǵaitý, infliatsiialyq protsesterdi tómendetý jáne qarjy naryǵynyń turaqtylyǵyn qamtamasyz etý boiynsha júrgizilip otyrǵan saiasat saqtalatyny týraly málimdeidi, dep habarlaidy "Ult aqparat" primeminister.kz portalyna silteme jasap.
Úkimet pen Ulttyq Bank Qazaqstan Respýblikasynyń Tuńǵysh Prezidenti – Elbasynyń buryn bergen tapsyrmalary men jariialaǵan bastamalaryn oryndaityn bolady.
Memlekettik baǵdarlamalar men qurylymdyq reformalardy iske asyrý Qazaqstan Respýblikasynyń 2025 jylǵa deiingi Strategiialyq damý josparynyń jáne «Qazaqstan-2050» Strategiiasynyń maqsattaryna tiimdi qol jetkizý úshin jalǵastyrylatyn bolady.
Biyl ekonomika ósimi 3,8%-dan tómen emes deńgeide, al infliatsiia 4-6% dálizinde kútilip otyr.
Úkimet makroekonomikalyq turaqtylyqty qamtamasyz etýge baǵyttalǵan turaqty boljamdy qazynalyq saiasatty júrgizýin jalǵastyra beredi. Barlyq biýdjettik mindettemeler jáne áleýmettik bastamalar tolyq kólemde oryndalatyn bolady. Ásirese, áleýmettik mańyzy bar taýarlar men qyzmetter baǵasynyń negizsiz ósýine jol bermeýge erekshe kóńil bólinetin bolady.
Ulttyq Bank tómen infliatsiiany qoldaýǵa baǵyttalǵan boljamdy aqshalai-nesie saiasatyn júrgizýin jalǵastyra beredi. Valiýta naryǵynda, bank sektorynda jáne qarjy naryǵynyń basqa segmentterinde jaǵdaidyń turaqtylyǵyn qamtamasyz etý úshin barlyq qajetti sharalar qabyldanatyn bolady. Ulttyq Banktiń jetkilikti kólemde altyn-valiýtalyq aktivteri, sondai-aq teńgeniń aiyrbas baǵamyna qatysty alypsatarlyq operatsiialardyń aldyn alý úshin qajetti quraldary, onyń ishinde retteý quraldary da bar.
Aǵymdaǵy ekonomikalyq ishki jáne syrtqy faktorlar el ekonomikasynyń turaqty damýyna yqpal etedi. Jaǵymsyz táýekelder kórinis bergen jaǵdaida Úkimet pen Ulttyq Bank olardyń saldaryn barynsha azaitý jáne Qazaqstan Respýblikasynyń áleýmettik-ekonomikalyq damýynyń turaqtylyǵyn qamtamasyz etý úshin qajetti resýrstarǵa ie.
