"Qazaqstan Úkimetiniń ókili Parijden 65 million eýroǵa elitaly páter satyp aldy. Bul Frantsiia astanasynda osy jyly jasalǵan eń qymbat saýda-sattyq boldy". Osyndai aqparat elitaly jyljymaityn múlik saýdasymen ainalysatyn Mansionglobal halyqaralyq agenttiginiń saitynda jariialanǵan, - dep habarlaidy "Astana" telearnasy.
Ondaǵy málimetke sai, páter áigili Elisei alańyna jaqyn jerde, bai-manaptar turatyn aýdanda ornalasqan. Aýmaǵy - 1200 sharshy metr. 5 jatyn bólmesi, spa-aimaq, qyzmetshiler men kúzetke arnalǵan bólek oryndar qarastyrylǵan. Ásirese, qaýipsizdigi keremet. Terezelerinen oq ótpeidi, jáne bas saýǵalaityn arnaiy jer de bar.
Saýdanyń bolǵanyn arna tilshilerine belgiialyq rieltor de rastaǵan.
"Jyljymaityn múlik reseilik oligarhqa tiesili edi. Ony jeke kezdesýler ótkizýge qolaily etý úshin, 100 mln eýrodai qarjy quidy. Satyp alýshy - Qazaqstan Úkimetiniń ókili. Páterdiń naryqtaǵy baǵasy sharshy metri úshin kem degende 20 myń eýro. Iaǵni úidiń quny 24 million eýrony quraidy. Qosymsha kúsheitýler, jańǵyrtýlar men kólikterdiń quny ári ketse 5 million eýroǵa túsýi múmkin", - dep pikir bildirgen belgiialyq rieltor Ignas Miývissen.
Jyldyń em qymbat saýdasy týraly málimet birqatar basylymdarda jariialanǵan. Al, Qarjy ministri men Syrtqy ister ministrliginiń resmi ókili bul aqparattan habarsyz bolyp shyqty. Tipti vedomstvolar bir-birine siltedi.
"Bul suraqty syrtqy ister ministrliginiń ókiline qoiyp turǵandaryńyzǵa tań qaldym. Men bul suraq ministrliktiń quzyretinde emes dep senimmen jaýap bere alamyn. Syrtqy ister ministrligi Qazaqstan Úkimetiniń áreketine qatysty túsinik bere almaidy", - deidi QR SIM resmi ókili Ánýar Jainaqov.
