Jaýyn-shashynnyń normadan tómen bolýy órt qaýipiniń deńgeiin arttyrady. Bul týraly Ortalyq kommýnikatsiialar qyzmetinde ótken brifingide QR Tótenshe jaǵdailar ministrligi Órtke qarsy qyzmet komitetiniń tóraǵasy Nurbolat Derbisov aitty, dep habarlaidy "Ult aqparat".
«Jyl saiyn elimizde shamamen 4 myń tabiǵi órt bolady. Onyń ishinde orman órti – 500, dala órti – 3 500. Órttiń aýdany kóbine 180 myń gektardan asady, zalal 200 million teńgeni quraidy», - deidi Órtke qarsy qyzmet komitetiniń tóraǵasy Nurbolat Derbisov.
Qazgidromettiń boljamyna sáikes, ekinshi toqsanda aýa-raiy +25ºS-qa, al ońtústik óńirlerde +30ºS-qa deiin ystyq bolady.
«El aýmaǵynyń basym bóliginde jaýyn-shashyn mólsheri normadan tómen bolady, bul órt qaýipiniń deńgeiin joǵarylatady. Zańnamaǵa sáikes dala órtterin sóndirý ákimdikterdiń quzyretine kiredi, al orman órtterin joiý – jergilikti biliktiń jáne Ekologiia ministrliginiń tabiǵatty qorǵaý mekemeleriniń ózara jaýapkershiligi aimaǵyna berilgen», - deidi ol.
