جاۋىن-شاشىننىڭ نورمادان تٶمەن بولۋى ٶرت قاۋٸپٸنٸڭ دەڭگەيٸن ارتتىرادى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە قر تٶتەنشە جاعدايلار مينيسترلٸگٸ ٶرتكە قارسى قىزمەت كوميتەتٸنٸڭ تٶراعاسى نۇربولات دەربٸسوۆ ايتتى, دەپ حابارلايدى "ۇلت اقپارات".
«جىل سايىن ەلٸمٸزدە شامامەن 4 مىڭ تابيعي ٶرت بولادى. ونىڭ ٸشٸندە ورمان ٶرتٸ – 500, دالا ٶرتٸ – 3 500. ٶرتتٸڭ اۋدانى كٶبٸنە 180 مىڭ گەكتاردان اسادى, زالال 200 ميلليون تەڭگەنٸ قۇرايدى», - دەيدٸ ٶرتكە قارسى قىزمەت كوميتەتٸنٸڭ تٶراعاسى نۇربولات دەربٸسوۆ.
قازگيدرومەتتٸڭ بولجامىنا سەيكەس, ەكٸنشٸ توقساندا اۋا-رايى +25ºس-قا, ال وڭتٷستٸك ٶڭٸرلەردە +30ºس-قا دەيٸن ىستىق بولادى.
«ەل اۋماعىنىڭ باسىم بٶلٸگٸندە جاۋىن-شاشىن مٶلشەرٸ نورمادان تٶمەن بولادى, بۇل ٶرت قاۋٸپٸنٸڭ دەڭگەيٸن جوعارىلاتادى. زاڭناماعا سەيكەس دالا ٶرتتەرٸن سٶندٸرۋ ەكٸمدٸكتەردٸڭ قۇزىرەتٸنە كٸرەدٸ, ال ورمان ٶرتتەرٸن جويۋ – جەرگٸلٸكتٸ بيلٸكتٸڭ جەنە ەكولوگييا مينيسترلٸگٸنٸڭ تابيعاتتى قورعاۋ مەكەمەلەرٸنٸڭ ٶزارا جاۋاپكەرشٸلٸگٸ ايماعىنا بەرٸلگەن», - دەيدٸ ول.
