Tótenshe jaǵdailar ministrliginiń kúshteri tótenshe jaǵdai kezinde órtten 30-dan astam adamdy qutqaryp, 115 adamdy qaýipsiz jerge shyǵardy. Bul týraly atalǵan vedomstvodan málim etti, dep habarlaidy QazAqparat.
«Tótenshe jaǵdailar ministrliginiń bólimsheleri tótenshe jaǵdai jariialanǵan kúnnen bastap ártúrli ákimshilik, onyń ishinde memlekettik menshik nysandarynda, sondai-aq tirshilikti qamtamasyz etý nysandary men biznes sýbektilerinde bolǵan 117 órtti sóndirdi (Almaty q. - 58, Shymkent q. - 14, Almaty obl. - 9, ShQO - 3, Jambyl obl. - 7, Qyzylorda obl. - 26). Bul rette TJM kúshteri órt sóndirý kezinde 30-dan astam adamdy qutqaryp, 115 adamdy evakýatsiialady», - delingen ministrlik aqparatynda.
Tótenshe jaǵdailardy joiýǵa jeke quramnan 1 300-ge jýyq adam jáne 250 birlik tehnika jumyldyryldy. Ózderiniń qyzmettik mindetterin oryndaý kezinde 10 qyzmetker zardap shekti. Onyń ishinde 1 qyzmetker oq jaraqatyn aldy. Jeke quram qyzmetkerlerine meditsinalyq kómek kórsetilgennen keiin úilerine qaitaryldy.
«Órt sóndirý kezinde jalpy 30 birlik órt sóndirý-qutqarý tehnikasy qirady. Tártip buzýshylar 7-eýin aidap áketip, onyń 5-eýin órtep jibergen. Taǵy 25-i qirady. Qazirgi ýaqytta 21 tehnika qalpyna keltirildi, qalǵany iske jaramsyz bolyp qaldy», - dep atap ótedi vedomstvodan.
