«QazAvtoJol» UK» AQ jáne «Jolaýshylar kóligi jáne avtomobil joldary basqarmasy» MM derekteri boiynsha aýa raiynyń nasharlaýyna bailanysty (qatty jel, boran, shekteýli kóriný) elimizdiń alty óńirinde respýblikalyq jáne oblystyq mańyzy bar avtojoldarda avtokóliktiń barlyq túrlerine júrýge tyiym salyndy.
Bul týraly QR Tótenshe jaǵdailar ministrliginiń baspasóz qyzmetin habarlady.
Baspasóz qyzmetiniń málimetterine qaraǵanda, kólik qozǵalysy Nur-Sultan qalasy, Soltústik Qazaqstan, Aqmola, Qostanai, Pavlodar, Qaraǵandy oblystaryndaǵy joldarda shekteldi.
Sonymen qatar «Qazgidromet» RMK derekteri boiynsha aldaǵy kúnderi elimizdiń segiz óńirinde Nur-Sultan qalasynda, Soltústik Qazaqstan, Aqmola, Qostanai, Pavlodar, Qaraǵandy, Jambyl, Shyǵys Qazaqstan oblystarynyń kei jerlerinde burqasyn bolyp, qar jaýady, tuman túsedi, jeldiń jyldamdyǵy sekýndyna 15-20 metrge jetedi.
«Azamattardy aýa-raiynyń ózgeristerin baqylap otyrýǵa shaqyramyz. Aýa raiyna bailanysty eskertý týraly habarlamalardy tyńdap, qajetti saqtyq sharalaryn saqtańyzdar!. Qys maýsymynda kólikpen alys joldarǵa shyqpas buryn, aýa raiy boljamyn mindetti túrde bilip alǵan jón. Eger qatty boran, burqasyn bolsa, jol keptelisinde uzaq turyp qalýyńyz múmkin. Tipti jol-kólik oqiǵasyna da tap bolýyńyz yqtimal. Eger qandai da bir eldi mekenge shuǵyl barýyńyz kerek bolsa, dittegen jerińizge kedergisiz jetý úshin temirjol kóligin paidalanýǵa keńes beremiz»,-delingen habarlamada.
Sondai-aq baspasóz qyzmeti tómende keltirilgen qarapaiym talaptardy nazarda ustaýdy usynady.
Qysta jolǵa shyǵar aldynda:
1. Muqiiat aýa raiy boljamyn zerdeleńiz;
2. Qozǵalys úshin qandai joldar jabylýy múmkin ekenin anyqtańyz. Aqparatty «Qazavtojol» UK saitynda tolyǵymen jabyq ýchaskelerdiń kartasyn kórýge bolady. Ne bolmasa biryńǵai telefon nómiri 1403 nemese qutqarý qyzmetiniń «112» telefon nómiri, sondai-aq «Dármen» mobildi qosymshasy arqyly naqtylaýǵa bolady.
«112» qyzmetinen resmi aýa raiyna bailanysty eskertý alǵan jaǵdaida eldi mekenderden jáne jolǵa shyǵýdan bas tarta turý qajet.
Shuǵyl qyzmetter avttomobilderdi lektik ilesip júrýge sheshim qabyldaǵan jaǵdaida:
- jol qozǵalysy erejelerin saqtańyz;
- ilesip júretin shuǵyl qyzmet belgilegen jyldamdyq rejimin saqtańyz;
- ótkizý pýnktinen shyqqan avtomobildiń artynan ilesińiz jáne ony basyp ozbańyz;
- aldynda kele jatqan avtomobildiń arasyndaǵy qashyqtyqty saqtańyz;
- aldaǵy avtomobilderdi basyp ozýǵa bolmaidy;
- ainalańdaǵy qozǵalysqa úlken mán berińiz.
