Búgin, 1 shildede Qazaqstan Syrtqy ister ministri Beibit Atamqulov Amerika Qurama Shtattaryna resmi saparmen keldi, dep habarlaidy "Ult aqparat" syrtqy saiasat vedomostvosynyń baspasóz qyzmetine silteme jasap.
SIM basshysynyń sapary Qazaqstannyń diplomatiialyq qyzmeti kúni men AQSh-tyń Táýelsizdik kúni qarsańynda AQSh Memlekettik hatshysy Maik Pompeonyń jeke shaqyrýy boiynsha ótýde.
Aita keterlik jait, bul B. Atamqulovtyń AQSh-qa QR syrtqy saiasi vedomstvosynyń basshysy retinde jáne Qasym-Jomart Toqaevtyń Qazaqstan Prezidenti laýazymyna sailanǵannan bergi alǵashqy sapary. Sapar tujyrymdamasynyń negizine Memleket basshysy Qasym-Jomart Toqaevtyń «Qazaqstannyń syndarly, teńdestirilgen jáne kópvektorly syrtqy saiasi baǵytyn jalǵastyrý týraly» inaýgýratsiialyq sózi barysynda aitylǵan paiymdaýy boldy.
Óziniń eki kúndik sapary aiasynda B. Atamqulov AQSh Prezidenti ákimshiligi, Memlekettik departament basshylyǵymen, sondai-aq isker jáne sarapshylar toptarynyń ókilderimen ekijaqty kezdesýler ótkizedi dep kútilýde. Aldaǵy kelissózder barysynda Qazaqstan-amerikandyq keńeitilgen strategiialyq áriptestiktiń ózekti máseleleri talqylanady.
QR Syrtqy saiasi kún tártibindegi ekonomikalyq diplomatiianyń erekshe rólin eskere otyryp, atalǵan sapar eki el arasyndaǵy iskerlik bailanystardy odan ári damytýǵa baǵyttalǵan. Sońǵy jyldary Qazaqstanǵa AQSh-tan tikelei investitsiialar aǵynynyń joǵary serpini baiqalýda. 2017 jylmen salystyrǵanda (3,6 mlrd AQSh dollary) 2018 jyly olardyń kólemi 44,7%-ǵa ósip, 5,3 mlrd AQSh dollaryn qurady (3,6 mlrd AQSh dollar).
AQSh - Qazaqstannyń negizgi saýda-ekonomikalyq seriktesteriniń biri. AQSh-tyń innovatsiialar men ozyq tehnologiialar salasyndaǵy kóshbasshylyǵyn eskere otyryp, qazaqstandyq taraptyń sapary úzdik álemdik tájiribe men bilimdi tartýǵa baǵyttalýda. Osy jáne basqa da naqty máseleler iri amerikalyq kompaniialardyń ókilderimen aldaǵy kelissózder barysynda talqylanatyn bolady.
Sondai-aq, AQSh - Qazaqstannyń táýelsizdigin moiyndaǵan jáne bizdiń elde óziniń diplomatiialyq ókildigin ashqan alǵashqy memleketterdiń biri. Táýelsizdik jyldary Qazaqstan men AQSh arasyndaǵy ekijaqty yntymaqtastyq tolyq senim men ózara túsinistik rýhynda damyp keledi.
Aita keteiik, Tuńǵysh Prezidentimizdiń 2018 jylǵy qańtarda ótken Vashingtonǵa resmi saparynyń qorytyndysy boiynsha Nur-Sultan men Vashington keńeitilgen strategiialyq áriptestik deńgeiine qol jetkize aldy. Bul qos memleket basshylarynyń birlesken málimdemesinde bekitilgen.
