بٷگٸن, 1 شٸلدەدە قازاقستان سىرتقى ٸستەر مينيسترٸ بەيبٸت اتامقۇلوۆ امەريكا قۇراما شتاتتارىنا رەسمي ساپارمەن كەلدٸ, دەپ حابارلايدى "ۇلت اقپارات" سىرتقى ساياسات ۆەدوموستۆوسىنىڭ باسپاسٶز قىزمەتٸنە سٸلتەمە جاساپ.
سٸم باسشىسىنىڭ ساپارى قازاقستاننىڭ ديپلوماتييالىق قىزمەتٸ كٷنٸ مەن اقش-تىڭ تەۋەلسٸزدٸك كٷنٸ قارساڭىندا اقش مەملەكەتتٸك حاتشىسى مايك پومپەونىڭ جەكە شاقىرۋى بويىنشا ٶتۋدە.
ايتا كەتەرلٸك جايت, بۇل ب. اتامقۇلوۆتىڭ اقش-قا قر سىرتقى ساياسي ۆەدومستۆوسىنىڭ باسشىسى رەتٸندە جەنە قاسىم-جومارت توقاەۆتىڭ قازاقستان پرەزيدەنتٸ لاۋازىمىنا سايلانعاننان بەرگٸ العاشقى ساپارى. ساپار تۇجىرىمداماسىنىڭ نەگٸزٸنە مەملەكەت باسشىسى قاسىم-جومارت توقاەۆتىڭ «قازاقستاننىڭ سىندارلى, تەڭدەستٸرٸلگەن جەنە كٶپۆەكتورلى سىرتقى ساياسي باعىتىن جالعاستىرۋ تۋرالى» يناۋگۋراتسييالىق سٶزٸ بارىسىندا ايتىلعان پايىمداۋى بولدى.
ٶزٸنٸڭ ەكٸ كٷندٸك ساپارى اياسىندا ب. اتامقۇلوۆ اقش پرەزيدەنتٸ ەكٸمشٸلٸگٸ, مەملەكەتتٸك دەپارتامەنت باسشىلىعىمەن, سونداي-اق ٸسكەر جەنە ساراپشىلار توپتارىنىڭ ٶكٸلدەرٸمەن ەكٸجاقتى كەزدەسۋلەر ٶتكٸزەدٸ دەپ كٷتٸلۋدە. الداعى كەلٸسسٶزدەر بارىسىندا قازاقستان-امەريكاندىق كەڭەيتٸلگەن ستراتەگييالىق ەرٸپتەستٸكتٸڭ ٶزەكتٸ مەسەلەلەرٸ تالقىلانادى.
قر سىرتقى ساياسي كٷن تەرتٸبٸندەگٸ ەكونوميكالىق ديپلوماتييانىڭ ەرەكشە رٶلٸن ەسكەرە وتىرىپ, اتالعان ساپار ەكٸ ەل اراسىنداعى ٸسكەرلٸك بايلانىستاردى ودان ەرٸ دامىتۋعا باعىتتالعان. سوڭعى جىلدارى قازاقستانعا اقش-تان تٸكەلەي ينۆەستيتسييالار اعىنىنىڭ جوعارى سەرپٸنٸ بايقالۋدا. 2017 جىلمەن سالىستىرعاندا (3,6 ملرد اقش دوللارى) 2018 جىلى ولاردىڭ كٶلەمٸ 44,7%-عا ٶسٸپ, 5,3 ملرد اقش دوللارىن قۇرادى (3,6 ملرد اقش دوللار).
اقش - قازاقستاننىڭ نەگٸزگٸ ساۋدا-ەكونوميكالىق سەرٸكتەستەرٸنٸڭ بٸرٸ. اقش-تىڭ يننوۆاتسييالار مەن وزىق تەحنولوگييالار سالاسىنداعى كٶشباسشىلىعىن ەسكەرە وتىرىپ, قازاقستاندىق تاراپتىڭ ساپارى ٷزدٸك ەلەمدٸك تەجٸريبە مەن بٸلٸمدٸ تارتۋعا باعىتتالۋدا. وسى جەنە باسقا دا ناقتى مەسەلەلەر ٸرٸ امەريكالىق كومپانييالاردىڭ ٶكٸلدەرٸمەن الداعى كەلٸسسٶزدەر بارىسىندا تالقىلاناتىن بولادى.
سونداي-اق, اقش - قازاقستاننىڭ تەۋەلسٸزدٸگٸن مويىنداعان جەنە بٸزدٸڭ ەلدە ٶزٸنٸڭ ديپلوماتييالىق ٶكٸلدٸگٸن اشقان العاشقى مەملەكەتتەردٸڭ بٸرٸ. تەۋەلسٸزدٸك جىلدارى قازاقستان مەن اقش اراسىنداعى ەكٸجاقتى ىنتىماقتاستىق تولىق سەنٸم مەن ٶزارا تٷسٸنٸستٸك رۋحىندا دامىپ كەلەدٸ.
ايتا كەتەيٸك, تۇڭعىش پرەزيدەنتٸمٸزدٸڭ 2018 جىلعى قاڭتاردا ٶتكەن ۆاشينگتونعا رەسمي ساپارىنىڭ قورىتىندىسى بويىنشا نۇر-سۇلتان مەن ۆاشينگتون كەڭەيتٸلگەن ستراتەگييالىق ەرٸپتەستٸك دەڭگەيٸنە قول جەتكٸزە الدى. بۇل قوس مەملەكەت باسشىلارىنىڭ بٸرلەسكەن مەلٸمدەمەسٸندە بەكٸتٸلگەن.
