QR Syrtqy ister ministri Beibit Atamqulov elimizdegi diplomatiialyq missiiasynyń aiaqtalýyna bailanysty Saýd Arabiiasynyń elshisi Dahir Mýtish ál-Enazidi qabyldady, dep habarlaidy "Ult aqparat" ministrliktiń baspasóz qyzmetine silteme jasap.
Kezdesý barysynda taraptar saiasi, saýda-ekonomikalyq, mádeni-gýmanitarlyq salalardaǵy qazaqstan-saýd yntymaqtastyǵynyń qazirgi jaǵdaiy men perspektivalaryn talqylady.
Nur-Sultan men Er-Riiad arasyndaǵy qarym-qatynastar týraly aitý barysynda suhbattasýshylar búgin eki memleket basshylarynyń ózara túsinistik pen dostyqqa negizdelgen tiimdi jumysynyń arqasynda túrli salalardaǵy yntymaqtastyqtyń joǵary nátijelerine qol jetkizgenin atap ótti.
Syrtqy saiasi vedomstvosynyń basshysy saýd diplomaty Qazaqstanda qyzmet etken jyldarda ekijaqty bailanystardy nyǵaitý boiynsha jemisti jumys júrgizgenin atap ótti.
Ministr Saýd Arabiiasyna qazaqstandyq bastamalardy qoldaǵany úshin rizashylyǵyn bildirip, ekijaqty negizde jáne halyqaralyq deńgeide turaqty kezdesýler men konsýltatsiialar arqyly yntymaqtastyqty odan ári nyǵaitýǵa nietin bildirdi.
D.M. ál-Enazi Qazaqstanda jumys isteýi oǵan qurmet bolǵanyn bildirip, QR Tuńǵysh Prezidenti - Elbasy Nursultan Nazarbaevtyń táýelsiz Qazaqstannyń qalyptasýyna, eldiń halyqaralyq arenada bedelin nyǵaitýyna jáne Qazaqsten men Saýd Arabiiasy arasynda tyǵyz jáne senimdi qarym-qatynastardyń ornatýyna zor úlesin atap ótti.
