Qazaqstannyń Syrtqy ister ministri Muhtar Tileýberdi reseilik áriptesi Sergei Lavrovpen kezdesti, dep habarlaidy "Ult aqparat".
«Búginde elderimiz arasyndaǵy qatynastar barlyq baǵyttar boiynsha strategiialyq áriptestik pen odaqtastyq baǵytynda qarqyndy damyp keledi. Qarqyndy saiasi dialog jolǵa qoiylǵan. Eki eldiń Qaýipsizdik Keńesteri deńgeiinde parlamentaralyq yntymaqtastyq serpini qoldaý tabýda, tereń ekonomikalyq bailanystar ornyqqan. Ekonomikalyq integratsiia protsesi júieli túrde alǵa jyljyp keledi. Áskeri-tehnikalyq, mádeni-gýmanitarlyq jáne basqa da salalardaǵy yntymaqtastyq nátijeli damýda, óńiraralyq bailanystar keńeiýde», - dedi kezdesýdi ashqan Muhtar Tileýberdi.
QR SIM basshysy Qazaqstan joǵary deńgeidegi barlyq ýaǵdalastyqtardy is júzinde júzege asyrýdy jalǵastyrýǵa nietti ekenin atap ótti.
«Qazaqstan-Resei yntymaqtastyǵynyń aǵymdaǵy máselelerin talqylaýǵa daiynmyn. Aldaǵy jylǵa óńirlik jáne jahandyq saiasattyń túrli aspektileri boiynsha pikir almasý josparlanyp otyr», - dedi Muhtar Tileýberdi.
Óz kezeginde Sergei Lavrov qazaqstandyq taraptyń qonaqjailyq tanytyp pen jyly qabyldaǵany úshin alǵysyn bildirdi.
«Biz sońǵy eki jylda prezidentterimiz qol jetkizgen kelisimderdi oryndaý boiynsha úlken jumys atqardyq. Biraq qazir, árine, jańa mindetter paida boldy. Óitkeni ýaqyt bir orynda turmaidy. Prezidentter ekijaqty qarym-qatynastar men halyqaralyq kún tártibiniń qandai da bir máselelerine degen kózqarastardy únemi salystyryp otyrýdy jalǵastyrýda. Sondyqtan bizdiń ministrlikter jelisi boiynsha birlesken jumysymyzdyń júieli bolýy óte qmańyzdy» - dedi reseilik ministr.
