Elimizdiń QR syrtqy ister ministri Qairat Ábdirahmanov AQSh-tyń Memlekettik hatshysy Reks Tillersonmen kezdesti, - dep habarlaidy 24 Habar.
Taraptar eki el arasyndaǵy áriptestikti damytýdyń jai-kúiin talqylap, buǵan deiin Elbasy Nursultan Nazarbaev pen AQSh prezidenti Dolnald Tramp telefon arqyly talqylaǵan saýda-ekonomika salasyn jetildirý máselesin tilge tiek etti. Qairat Ábdirahmanov ózara alys-beristi arttyryp, Aq úi ákimshiligimen tyǵyz bailanys ornatýǵa nietti ekenin jetkizdi.
Óz kezeginde Qurama shtattardyń memlekettik hatshysy Prezident Nursultan Nazarbaevtyń iadrolyq qarýdan bas tartý týraly tarihi sheshimin kóregendikke balap, Qazaqstannyń halyqaralyq qaýymdastyqta abyroiy arta túskenin jáne elde saiasi ári ekonomikalyq turaqtylyq nyǵaiyp, iri investorlar tartýǵa sep bolǵanyn atap ótti.
Siriia men Aýǵanstandaǵy ahýal Korei túbegindegi túitkilder de sóz boldy. Qairat Ábdirahmanov elimizdiń álemdik jáne aimaqtyq máselelerdi sheshýge at salysýǵa árkez daiyn ekenin aitty.
Sonymen qatar ministr Birikken Ulttar Uiymynyń Bas hatshysy Antoniý Gýterrishpen de kezdesti. Gýterrish Astana protsesiniń Siriiadaǵy shielenisti retteýge súbeli úles qosyp otyrǵanyn oń baǵalady. Sondai-aq óziniń Shanhai Yntymaqtastyq Uiymynyń sammiti men Astanada ótetin EXPO-2017 kórmesiniń ashylý saltanatyna qatysatynyn jetkizdi.
