Siriia boiynsha 11-inshi Halyqaralyq kezdesýdiń barlyq qatysýshylary, sonyń ishinde kepilger-memleketter - Resei, Túrkiia jáne Iran ókilderi Astanaǵa kelip jetti. Bul týraly QR Syrtqy ister ministrliginiń baspasóz qyzmeti málim etti.
Resei delegatsiiasyn RF Prezidentiniń Siriia boiynsha Arnaiy ókili Aleksandr Lavrentev bastap keldi. Túrkiia atynan eldiń Syrtqy ister ministriniń orynbasary Sedat Onal qatysady. Irandyq delegatsiiaǵa eldiń syrtqy ister ministriniń saiasi máseleler jónindegi Aǵa kómekshisi Hýsein Djaberi Ansari jetekshilik etýde.
BUU delegatsiiasyna BUU Bas hatshysynyń Siriia boiynsha Arnaiy ókili Staffan de Mistýra basshylyq jasaýda.
Sondai-aq, josparlanǵandai, kezdesýge BUU-nyń Bosqyndar isteri jónindegi Joǵarǵy komissarynyń basqarmasynan jáne Qyzyl krest Halyqaralyq komitetinen baiqaýshylar qatysady.
Ahmad Al-Toma bastaǵan Siriianyń qarýly oppozitsiiasy da Astanaǵa keldi.
Jekelegen delegatsiialar Qazaqstanǵa keshe jetip, ózara birqatar ekijaqty kezdesýler ótkizdi.
