Timýr Shaimergenov QR Syrtqy ister ministrligi Halyqaralyq aqparat komitetiniń tóraǵasy bolyp taǵaiyndaldy, dep habarlaidy "Ult aqparat" SIM baspasóz qyzmetine silteme jasap.
Timýr Shaimergenov 1982 jyly Jambyl oblysynda dúniege kelgen. 2004 jyly Almatydaǵy Halyqaralyq mamandyqtar institýtyn bitirip, 2009 jyly QR Prezidenti janyndaǵy Qazaqstan strategiialyq zertteýler institýtynda saiasi ǵylymdarynyń kandidaty ǵylymi dárejesin alý úshin dissertatsiia qorǵaǵan.
2009-2018 jyldary Garvard, Oksford, Kembridj, Pensilvaniia, Kolýmbiia ýniversitetterinde basshylyq quram úshin oqytý baǵdarlamalary ótken.
Halyqaralyq qatynastar jáne qaýipsizdik, strategiialyq menedjment jáne táýekelderdi basqarý salasynda maman biliktiligi bar. Qazaq, orys, aǵylshyn tilderin meńgergen.
Eńbek jolyn 2004 jyly Ál-Farabi atyndaǵy Qazaq ulttyq ýniversitetinde bastaǵan, QR Prezidenti janyndaǵy Qazaqstannyń strategiialyq zertteýler institýtynda, QR Parlamenti Májilisiniń apparattarynda jáne QR Qaýipsizdik Keńesiniń apparattarynda, sondai-aq QR Prezidenti Ákimshiligi júiesinde túrli laýazymdarda qyzmet atqardy.
2017-2018 jyldary QR SIM janyndaǵy Qoǵamdyq keńestiń múshesi boldy. 2017 jyldan bastap QR Prezidenti janyndaǵy Memlekettik basqarý akademiiasy Diplomatiia institýtynyń lektory.
QR Syrtqy ister ministrligine taǵaiyndalǵanǵa deiin QR Qorǵanys jáne aeroǵarysh ónerkásibi vitse-ministri bolyp jumys istedi.
«Qazaqstan halqy Assambleiasyna 25 jyl», «QR Konstitýtsiiasyna 20 jyl», «QR Táýelsizdigine 25 jyl», «Astanaǵa 20 jyl», «QR Diplomatiialyq qyzmetine 25 jyl», «QR Ulttyq qaýipsizdik komitetine 25 jyl» medaldarymen marapattalǵan.
