QR Syrtqy ister ministrligi Shyǵys Ierýsalimdegi zorlyq-zombylyqtyń órshýine jáne Palestina-Izrail qatynastarynyń shielenisýine alańdaýshylyq bildirip, málimdeme jasady, dep habarlaidy "Ult aqparat".
«Shyǵys Ierýsalimdegi zorlyq-zombylyqtyń órshýine jáne Palestina-Izrail qatynastarynyń shielenisýine alańdaýshylyq bildiremiz.
Qalyptasqan jaǵdaida barlyq taraptar ustamdylyq tanytyp, ahýaldyń odan ári nasharlaýyna ákeletin qadamdardan bas tartýy qajet.
Ál-Aqsa meshitiniń kesheni tóńireginde arandatýshylyq áreketterden aýlaq bolýǵa jáne statýs-kvony qurmetteýge shaqyramyz.
Saiasi, dini jáne qoǵamdyq kóshbasshylar qasietti Ramazan aiynda shielenisti azaitý úshin bar kúshin salady dep úmittenemiz.
Qazaqstan Palestina-Izrail qaqtyǵysynyń tek «Eki memleket» formýlasy jáne Birikken Ulttar Uiymynyń tiisti qararlary negizinde beibit jolmen ádil sheshilýin qoldaidy», - delingen SIM málimdemesinde.
