Qazaqstan Qyrǵyzstandaǵy jaǵdaidyń aiqyndalyp kele jatqan turaqtalý úrdisin rizashylyqpen qabyldaidy. Bul týraly Qazaqstannyń Syrtqy ister ministri Muhtar Tileýberdi kórshi eldegi jaǵdaiǵa qatysty resmi kommentariinde aitty, dep habarlaidy "Ult aqparat".
«Qazaqstanda Qyrǵyzstandaǵy jaǵdaidyń aiqyndalyp kele jatqan turaqtalý úrdisin rizashylyqpen qabyldaidy.
Kórshi memlekettegi oqiǵalardy tek qana ishki máselesi retinde qarastyra otyryp, jańadan qurylǵan úkimetti qazirgi kúrdeli saiasi jaǵdaida óz áreketterin turaqtylyq, quqyq ústemdigi, qoǵamdy biriktirý, ekonomikalyq damý úshin jaǵdai jasaýǵa baǵyttaýǵa shaqyramyz.
Eldiń barlyq saiasi kúshteriniń Qyrǵyz Respýblikasy Konstitýtsiiasynyń normalary men qaǵidattaryn qatań saqtai otyryp, daǵdarys jaǵdaiynan abyroimen shyǵýǵa múmkindik beretin salmaqty jáne isker sheshimderdi izdeýge bar kúsh-jigerin jumsaitynyna úmit artamyz», - dedi ministr.
M.Tileýberdi atap ótkendei, kos eldi qiyn kezeńde ózara kómek pen qoldaýǵa negizdeletin baýyrlas jáne tatý kórshilik tarihi qarym-qatynas bailanystyrady.
«Biz Qyrǵyzstannyń saiasi turǵydan turaqty jáne ekonomikasy órkendeitin el bolýyna, 1997 jylǵy 8 sáýirdegi Máńgilik dostyq týraly jáne 2003 jylǵy 25 jeltoqsandaǵy Odaqtastyq qatynastar týraly Sharttardyń rýhyndaǵy ózara tiimdi yntymaqtastyqtyń ary qarai jalǵasýyna múddelimiz», - dep tolyqtyrdy QR SIM basshysy.
