قازاقستان قىرعىزستانداعى جاعدايدىڭ ايقىندالىپ كەلە جاتقان تۇراقتالۋ ٷردٸسٸن ريزاشىلىقپەن قابىلدايدى. بۇل تۋرالى قازاقستاننىڭ سىرتقى ٸستەر مينيسترٸ مۇحتار تٸلەۋبەردٸ كٶرشٸ ەلدەگٸ جاعدايعا قاتىستى رەسمي كوممەنتاريٸندە ايتتى, دەپ حابارلايدى "ۇلت اقپارات".
«قازاقستاندا قىرعىزستانداعى جاعدايدىڭ ايقىندالىپ كەلە جاتقان تۇراقتالۋ ٷردٸسٸن ريزاشىلىقپەن قابىلدايدى.
كٶرشٸ مەملەكەتتەگٸ وقيعالاردى تەك قانا ٸشكٸ مەسەلەسٸ رەتٸندە قاراستىرا وتىرىپ, جاڭادان قۇرىلعان ٷكٸمەتتٸ قازٸرگٸ كٷردەلٸ ساياسي جاعدايدا ٶز ەرەكەتتەرٸن تۇراقتىلىق, قۇقىق ٷستەمدٸگٸ, قوعامدى بٸرٸكتٸرۋ, ەكونوميكالىق دامۋ ٷشٸن جاعداي جاساۋعا باعىتتاۋعا شاقىرامىز.
ەلدٸڭ بارلىق ساياسي كٷشتەرٸنٸڭ قىرعىز رەسپۋبليكاسى كونستيتۋتسيياسىنىڭ نورمالارى مەن قاعيداتتارىن قاتاڭ ساقتاي وتىرىپ, داعدارىس جاعدايىنان ابىرويمەن شىعۋعا مٷمكٸندٸك بەرەتٸن سالماقتى جەنە ٸسكەر شەشٸمدەردٸ ٸزدەۋگە بار كٷش-جٸگەرٸن جۇمسايتىنىنا ٷمٸت ارتامىز», - دەدٸ مينيستر.
م.تٸلەۋبەردٸ اتاپ ٶتكەندەي, كوس ەلدٸ قيىن كەزەڭدە ٶزارا كٶمەك پەن قولداۋعا نەگٸزدەلەتٸن باۋىرلاس جەنە تاتۋ كٶرشٸلٸك تاريحي قارىم-قاتىناس بايلانىستىرادى.
«بٸز قىرعىزستاننىڭ ساياسي تۇرعىدان تۇراقتى جەنە ەكونوميكاسى ٶركەندەيتٸن ەل بولۋىنا, 1997 جىلعى 8 سەۋٸردەگٸ مەڭگٸلٸك دوستىق تۋرالى جەنە 2003 جىلعى 25 جەلتوقسانداعى وداقتاستىق قاتىناستار تۋرالى شارتتاردىڭ رۋحىنداعى ٶزارا تيٸمدٸ ىنتىماقتاستىقتىڭ ارى قاراي جالعاسۋىنا مٷددەلٸمٸز», - دەپ تولىقتىردى قر سٸم باسشىسى.
