QR SIM basshysy Qairat Ábdrahmanov Astanadaǵy siriialyq kelissózder boiynsha qorytyndy málimdeme oqydy, - dep habarlaidy "Ult aqparat" Tengrinews.kz portalyna silteme jasap.
23 qańtarda shamamen saǵat 14.00-de bastalǵan kelissózder 24 qańtarda tústen keiingi ýaqytta aiaqtaldy. Resei, Iran jáne Túrkiia ókilderi daiyndaǵan qorytyndy qujattyń mátinin Qazaqstannyń syrtqy ister ministri Qairat Ábdrahmanov oqydy.
"Oq atýdy tolyqtai toqtatýdy, arandatýdyń joqtyǵyn jáne barlyq tiisti máselelerdi qadaǵalaityn úshjaqty mehanizm jasaý týraly sheshim shyǵaryldy. Biz Qazaqstanda tyiym salynǵan DAISh-qa qarsy kúresti jalǵastyrýǵa daiyn ekenimizdi jáne olardy qarýly oppozitsiianyń basqa bóliginen bólip qaraýǵa daiynbyz. BUU Qaýipsizdik keńesiniń 2254 rezoliýtsiiasyna sáikes kelissózderdi shuǵyl bastaý kerek degen pikirdemiz", - dep oqydy qorytyndy málimdemeniń mátinin QR SIM basshysy.
Qairat Ábdrahmanov kelissóz protsesiniń qatysýshylary Siriia boiynsha Astanada ótken halyqaralyq kezdesýdiń Siriia úkimeti men oppozitsiiasynyń arasyndaǵy tikelei dialog úshin tiimdi alań ekenin atap ótkenin habarlady.
"Oppozitsiialyq qarýly toptardyń kelissózderdiń kelesi kezeńine qatysý nietin qoldaimyz. Úkimet pen oppozitsiia arasyndaǵy bul kelissózder 2017 jyldyń 8 aqpanynda Jenevada BUU qaraýynda ótedi. Halyqaralyq qaýymdastyqtyń barlyq múshesin BUU Qaýipsizdik keńesiniń 2254 rezoliýtsiiasymen kelisilgen barlyq is-sharanyń júzege asyrylý saiasi protsesin qoldaýǵa shaqyramyz. Astana platformasynda BUU aiasynda siriialyq saiasi protsesti qamtý úshin, jahandyq protsesterge úles qosý úshin belsendi árekettestikte bolý týraly sheshim shyǵardyq", - delingen Resei, Iran jáne Túrkiia ókilderiniń qorytyndy málimdemesinde.
QR SIM basshysy Siriia boiynsha kelissózderge qatysýshylardyń qabyldaýshy tarapqa alǵys bildirgenin atap ótti.
"Qazaqstan Prezidenti Nursultan Nazarbaevqa, jalpy Qazaqstanǵa Astanada halyqaralyq kezdesý qabyldaǵany úshin alǵys bildiremiz".
