Qazaqstan Respýblikasy Syrtqy ister ministrligi Amerika Qurama Shtattarynyń Orta jáne kishi qashyqtyqtaǵy raketalardy joiý týraly shartqa (OKQRSh) qatysýyn toqtatý týraly sheshimi men Resei Federatsiiasynyń uqsas sheshimine bailanysty óz alańdaýshylyǵyn bildiredi, dep habarlaidy vedomstvonyń baspasóz qyzmeti.
«Qazaqstan Respýblikasy OKQRSh múshesi retinde Sharttyń saqtalýy men barlyq taraptarmen múltiksiz oryndalýyn qoldaidy, sondai-aq taraptardyń birlesken kúsh-jigerlerimen iadrolyq qarýdy taratýǵa qabileti bar raketalardyń bútin bir klasyn joiýǵa jáne Iadrolyq qarýdy taratpaý týraly sharttyń (IaQTSh) VI babyna sáikes iadrolyq qarýsyzdanýda eleýli progreske qol jetkizýge múmkindik bergen Sharttyń biregei tarihi kelisim retinde buljymas qundylyǵyn rastaidy» delingen habarlamada.
Sondai-aq, vedomstvo málimetinshe Halyqaralyq qaýipsizdikti saqtaýdyń mańyzdy faktorlarynyń biri retinde OKQRSh-ty denonsatsiialaý álemniń ártúrli óńirlerinde jańa «jantalasa qarýlanýǵa» ákele alady jáne jahandyq beibitshilik pen qaýipsizdikke eleýli qaýip tóndiretini aitylǵan.
«Qazaqstan Respýblikasynyń Prezidenti Nursultan Nazarbaevtyń 2045 jylǵa orai iadrolyq qarýdan azat álemge qol jetkizýge arnalǵan, jahandyq antiiadrolyq bastamalarynyń ózektiligin eskere otyryp, Qazaqstan Respýblikasy ózara senimdilik sharttary rýhynda barlyq taraptarmen Sharttyń múltiksiz oryndalýyn qoldaidy. OKQRSh-ty saqtaý maqsatynda Qazaqstan Respýblikasy Sharttyń sheńberindegi Arnaiy baqylaý komissiianyń qoldanystaǵy formatyn qosa alǵanda, barlyq ekijaqty jáne kópjaqty tetikter sheńberinde syndarly kelissózder arqyly máselelerdi sheshý úshin AQSh pen RF-ty barlyq qajetti kúsh-jigerdi salýǵa shaqyrady» dep jazylǵan málimdemede.
