قازاقستان رەسپۋبليكاسى سىرتقى ٸستەر مينيسترلٸگٸ امەريكا قۇراما شتاتتارىنىڭ ورتا جەنە كٸشٸ قاشىقتىقتاعى راكەتالاردى جويۋ تۋرالى شارتقا (وكقرش) قاتىسۋىن توقتاتۋ تۋرالى شەشٸمٸ مەن رەسەي فەدەراتسيياسىنىڭ ۇقساس شەشٸمٸنە بايلانىستى ٶز الاڭداۋشىلىعىن بٸلدٸرەدٸ, دەپ حابارلايدى ۆەدومستۆونىڭ باسپاسٶز قىزمەتٸ.
«قازاقستان رەسپۋبليكاسى وكقرش مٷشەسٸ رەتٸندە شارتتىڭ ساقتالۋى مەن بارلىق تاراپتارمەن مٷلتٸكسٸز ورىندالۋىن قولدايدى, سونداي-اق تاراپتاردىڭ بٸرلەسكەن كٷش-جٸگەرلەرٸمەن يادرولىق قارۋدى تاراتۋعا قابٸلەتٸ بار راكەتالاردىڭ بٷتٸن بٸر كلاسىن جويۋعا جەنە يادرولىق قارۋدى تاراتپاۋ تۋرالى شارتتىڭ (ياقتش) VI بابىنا سەيكەس يادرولىق قارۋسىزدانۋدا ەلەۋلٸ پروگرەسكە قول جەتكٸزۋگە مٷمكٸندٸك بەرگەن شارتتىڭ بٸرەگەي تاريحي كەلٸسٸم رەتٸندە بۇلجىماس قۇندىلىعىن راستايدى» دەلٸنگەن حابارلامادا.
سونداي-اق, ۆەدومستۆو مەلٸمەتٸنشە حالىقارالىق قاۋٸپسٸزدٸكتٸ ساقتاۋدىڭ ماڭىزدى فاكتورلارىنىڭ بٸرٸ رەتٸندە وكقرش-تى دەنونساتسييالاۋ ەلەمنٸڭ ەرتٷرلٸ ٶڭٸرلەرٸندە جاڭا «جانتالاسا قارۋلانۋعا» ەكەلە الادى جەنە جاھاندىق بەيبٸتشٸلٸك پەن قاۋٸپسٸزدٸككە ەلەۋلٸ قاۋٸپ تٶندٸرەتٸنٸ ايتىلعان.
«قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆتىڭ 2045 جىلعا وراي يادرولىق قارۋدان ازات ەلەمگە قول جەتكٸزۋگە ارنالعان, جاھاندىق انتييادرولىق باستامالارىنىڭ ٶزەكتٸلٸگٸن ەسكەرە وتىرىپ, قازاقستان رەسپۋبليكاسى ٶزارا سەنٸمدٸلٸك شارتتارى رۋحىندا بارلىق تاراپتارمەن شارتتىڭ مٷلتٸكسٸز ورىندالۋىن قولدايدى. وكقرش-تى ساقتاۋ ماقساتىندا قازاقستان رەسپۋبليكاسى شارتتىڭ شەڭبەرٸندەگٸ ارنايى باقىلاۋ كوميسسييانىڭ قولدانىستاعى فورماتىن قوسا العاندا, بارلىق ەكٸجاقتى جەنە كٶپجاقتى تەتٸكتەر شەڭبەرٸندە سىندارلى كەلٸسسٶزدەر ارقىلى مەسەلەلەردٸ شەشۋ ٷشٸن اقش پەن رف-تى بارلىق قاجەتتٸ كٷش-جٸگەردٸ سالۋعا شاقىرادى» دەپ جازىلعان مەلٸمدەمەدە.
