QR Syrtqy ister ministrliginiń baspasóz hatshysy Ánýar Jainaqov qazaqstandyq 2 myńǵa jýyq azamattyń Túrkiia aýmaǵyna ótýine tyiym salýyna qatysty túsinik berdi, dep habarlaidy "Ult aqparat".
«Búgin Túrkiiadaǵy Qazaqstan Elshiligindegi áriptesterimiz maǵan BAQ-ta jariia etilgen aqparattyń birshama qate ekendigin habarlady. Sondyqtan sizderge túsindirgim keledi. Bizdiń málimetke sáikes, Túrkiia Ishki ister ministrligi «Túrkiia DAISh-pen kúreste» dep atalatyn kitap jariia etken. Atalǵan kitapta túrik biliginiń atalǵan lańkestik uiymmen kúreste qandai túrli sharalar ótkizetindigi keltirilgen. Kitaptyń sońynda 2011 men 2017 jyldyń aralyǵynda atalǵan lańkestik uiymǵa qatysy bar degen aiyppen nemese kúdikpen ustalǵan túrli elderdiń azamattarynyń sany keltirilgen. Onyń ishinde Qazaqstan, Resei, Frantsiia, Saýd Arabiiasy jáne basqa da elderdiń azamattary bar. Bul azamattardyń búginde oralǵan da shyǵar. Qazaqstan azamattary 1 900-den asyp jyǵylady», - dedi Ánýar Jainaqov.
Buǵan deiin Túrkiia Ishki ister ministrliginiń DAISh-pen júrgizgen kúres jónindegi baiandamasynda atalǵan uiymnyń sapynda júrgen 1 914 qazaqstandyqtyń bar ekendigi aitylǵanyn habarlaǵan edik.
