Búgin QR saýda jáne integratsiia ministri Baqyt Sultanov vedomstvonyń vitse-ministrlerin tanystyrdy, dep habarlaidy primeminister.kz.
QR Úkimetiniń Qalýylarymen Qazaqstan Respýblikasy saýda jáne integratsiia vitse-ministrleri bolyp Janel Kýshýkova jáne Azamat Asqaruly taǵaiyndaldy.
Janel Kýshýkova Petropavl qalasynda týǵan. Qozybaev atyndaǵy Soltústik Qazaqstan memlekettik ýniversitetin bitirgen. Eńbek jolyn 2001 jyly Qazaqstan Respýblikasy Ekonomika jáne saýda ministrligi Dempingke qarsy baqylaý komitetiniń ishki naryqty qorǵaý jónindegi jetekshi sarapshysy retinde bastady. 2002-2004 jj. - Qazaqstan Respýblikasy Indýstriia jáne saýda ministrligi Saýda, halyqaralyq yntymaqtastyq jáne eksporttyq baqylaý departamentiniń Kedendik jáne tariftik saiasat bóliminiń jetekshi mamany.
2004-2008 jj. - DSU-ǵa kirý departamentiniń Kedendik-tariftik retteý bóliminiń bastyǵy, basqarma basshysynyń orynbasary, basqarma basshysy.
2008-2010 jj. - Qazaqstan Respýblikasy Indýstriia jáne saýda ministrliginiń Syrtqy saýda saiasaty departamentiniń direktory.
Sońǵy 9 jyl boiy Qazaqstan Respýblikasy Ulttyq ekonomika ministrliginiń Syrtqy saýda saiasatyn damytý departamentiniń direktory qyzmetin atqardy.
Azamat Asqaruly 1984 jyly Almaty oblysynda týǵan. Ál-Farabi atyndaǵy Qazaq ulttyq ýniversitetin, Garvard ýniversitetin, Gonkong ǵylym jáne tehnologiia ýniversitetin bitirgen.
Túrli jyldary «Samuryq Qazyna Invest» JShS Halyqaralyq qatynastar departamentiniń direktory qyzmetin atqardy, «KTZ Express Hong Kong Ltd»-ny basqardy, «QTJ Ekspress» AQ áýe kóligi departamentiniń bas mamany boldy.
2017 jyldan bastap Qazaqstan Respýblikasy Premer-Ministriniń Orynbasarynyń keńesshisi boldy.
