Saýda jáne integratsiia ministri Baqyt Sultanov Belarýstegi jaǵdaidy eskere otyryp, osy elmen aradaǵy saýda kelisimsharttarynyń talaptary oryndalatynyn aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda ministrden biyl Belarýs pen Qazaqstan arasyndaǵy taýar ainalymynyń tómendeý múmkindigi týraly suraq qoiyldy.
«Boljam jasaý – negizinen jaqsy ataq ákelmeidi. Saýda ministrliginiń róli kedergilerdi azaitýǵa arnalǵan. Ekijaqty talqylaý alańynda, EAEO alańynda bizdiń kásipkerler úshin kedergilerdi azaitý qadamdaryn iske asyramyz. Halyqaralyq jáne ishki saýdaǵa áser etetin faktorlar óte kóp. Ókinishke qarai, ishki óńirlik saýda boiynsha kórsetkishter tiisti deńgeide emes. Koronavirýs indetiniń áseri nátijesinde bul kórsetkish tómendedi. Atap aitqanda, faktorlar az emes. Degenmen de kelisimsharttardyń oryndalýyna qandai da bir kedergiler bolmaidy dep úmittenemiz», – dedi B. Sultanov.
Budan buryn habarlanǵandai, álemdegi saýdanyń jalpylai tejelýi turǵysynda Qazaqstannyń syrtqy saýda ainalymy birinshi jartyjyldyq qorytyndysy boiynsha 7,4 paiyzǵa tómendedi.
