TúrkPA uiymynyń Bas hatshysy Altynbek Mamaiýsýpov Qazaqstan Prezidenti Qasym-Jomart Toqaevtyń «Táýelsizdik bárinen qymbat» atty maqalasyna pikir bildirdi, dep habarlaidy QazAqparat.
«Eń aldymen, búgingi sharanyń mańyzdylyǵyn jáne onyń der kezinde qolǵa alynǵanyn atap ótkim keledi. Osyǵan bailanysty Túrki akademiiasyna atalǵan sharany uiymdastyrǵany úshin alǵys aitqym keledi. Álem boiynsha asa aýqymdy ózgerister bolyp jatqany barshaǵa aian, sondyqtan da búgingi sharanyń mańyzy zor», - dep atap ótti A. Mamaiýsýpov Nur-Sultanda «Túrki álemi: tarihi-mádeni mura» atty halyqaralyq konferentsiiasynda.
Onyń pikirinshe, qazirgi ýaqytta halyqaralyq uiymdardy, saiasatkerlerdi jáne ǵylymi qairatkerlerdi biriktiretin, bir ústelde ózekti máselelerdi talqylaýǵa múmkindik beretin is-sharalar airyqsha mańyzdy.
«Ásirese, keibir sheteldik saiasatkerlerdiń Qazaqstan men onyń aýmaǵyna qatysty málimdemeleri aiasynda QR Prezidenti Qasym-Jomart Toqaevtyń óte ózekti jáne der kezinde shyqqan maqalasyn atap ótkim keledi, onda memleketter arasyndaǵy ózara is-qimyldyń óte mańyzdy aspektileri jáne Qazaqstannyń bolashaqtaǵy damýynyń, ony ári qarai demokratiialandyrý jónindegi baǵdarlamalyq paiymdary kórsetilgen», - deidi A. Mamaiýsýpov.
Eske sala ketsek, konferentsiiada Halyqaralyq Túrki akademiiasy «Túrki álemi: tarihi-mádeni Atlas» jinaǵyn tanystyrdy. Atlas QR Tuńǵysh Prezidenti – Elbasy Nursultan Nazarbaevtyń alǵysózimen shyqqan jáne áigili saiahatshylar men jihankezder jasaǵan kóne kartalar men baiyrǵy babalarymyzdyń mol murasyn kórsetetin mańyzdy málimetterdi qamtidy.
Alqaly jiynǵa Túrki keńesiniń alǵashqy Bas hatshysy Halil Akynjy, Túrki keńesi Bas hatshysynyń orynbasary Ómer Kodjaman, Ázerbaijan Respýblikasynyń Qazaqstandaǵy tótenshe jáne ókiletti elshisi Rashad Mammadov, Túrkiia Respýblikasynyń Qazaqstandaǵy tótenshe jáne ókiletti elshisi Ýfýk Ekidji, Qyrǵyz Respýblikasynyń Qazaqstandaǵy tótenshe jáne ókiletti elshisi Jeenbek Kýlýbaev, Frankfýrt ýniversitetiniń professory, Resei ǵylym akademiiasy Sibir bólimshesiniń filologiia institýtynyń bas ǵylymi qyzmetkeri Irina Nevskaia jáne ózge de túrkitanýshy ǵalymdar men sarapshylar, qoǵam jáne memleket qairatkerleri qatysty.
.jpeg)