Memleket basshysynyń Jarlyǵymen Murat Nurtileýov QR Prezidentiniń kómekshisi bolyp taǵaiyndaldy, dep habarlaidy "Ult aqparat" Aqordaǵa silteme jasap.
"Murat Ábýǵaliuly Nurtileýov QR Prezidentiniń kómekshisi bolyp taǵaiyndaldy, ol QR Finliandiia Respýblikasyndaǵy Tótenshe jáne Ókiletti Elshisi qyzmetinen, QR Estoniia Respýblikasyndaǵy Tótenshe jáne Ókiletti Elshisi qyzmetin qosa atqarýdan bosatyldy" delingen resmi habarlamada.
Murat Ábýǵaliuly Nurtileýov 1976 jyly dúniege kelgen. Ál-Farabi atyndaǵy Qazaq memlekettik ulttyq ýniversitetin bitirgen. Halyqaralyq qatynastar salasy mamany.
Syrtqy ister ministrliginiń Memlekettik hattama basqarmasynyń referenti, attashesi, Qazaqstan Respýblikasynyń Malaiziiadaǵy Elshiliginiń attashesi, Qazaqstan Respýblikasy Syrtqy ister ministrligi Aziia jáne Afrika departamentiniń ekinshi hatshysy, Qazaqstan Respýblikasy Syrtqy ister ministriniń keńesshisi, Syrtqy ister ministri Hatshylyǵynyń Basshysy Qazaqstan Respýblikasy Parlamenti Senaty Apparaty Basshysynyń orynbasary bolyp qyzmet istegen.
QR Parlamenti Senaty Apparatynyń basshysy, QR Syrtqy ister ministrliginiń Erekshe tapsyrmalar jónindegi elshisi, QRSIM Aziia jáne Afrika departamentiniń direktory, QR Jeneva qalasyndaǵy (Shveitsariia Konfederatsiiasy) Turaqty ókildiginiń keńesshi-ýákili, QR Prezidenti Ákimshiliginiń Syrtqy saiasat ortalyǵy meńgerýshisiniń orynbasary, Qazakstan Respýblikasynyń Finliandiia Respýblikasyndaǵy Tóteshe jáne Ókiletti Elshisi syndy qyzmetterde boldy.
«Qurmet» ordenimen, bir medalmen, TMD PAA keńesiniń Qurmet gramotasymen marapattalǵan.
