Búgin elordada QR Prezidentiniń «Altyn sapa» syilyǵy laýreattaryn marapattaý sharasy ótedi, dep habarlaidy QazAqparat.
Aldymen QR Premer-Ministri Asqar Maminniń qatysýymen «ALTYN OIMAQ» dizainerlerdiń ulttyq baiqaýy, «Biznes kemeldilik», «ISKER», «ULY DALA ELI» baiqaýlarynyń jeńimpazdaryn marapattaý sharasy bolady. Odan keiin Memleket basshysy Qasym-Jomart Toqaevtyń qatysýymen Qazaqstan Respýblikasy Prezidentiniń «Altyn sapa» syilyǵy baiqaýynyń jeńimpaz-laýreattary jáne «Qazaqstannyń úzdik taýary» respýblikalyq kórme-baiqaýynyń diplomanttary, sondai-aq «Paryz» biznestiń áleýmettik jaýapkershiligi boiynsha jyl saiynǵy respýblikalyq baiqaýy jeńimpazdary marapattalmaq.
QR Prezidentiniń «Altyn sapa» syilyǵyna úmitkerler «Óndiristik maqsattaǵy úzdik kásiporyn», «Halyqqa arnalǵan taýarlardy shyǵaratyn úzdik kásiporyn», «Qyzmet kórsetetin úzdik kásiporyn», «Azyq-túlik jáne/nemese aýyl sharýashylyǵy ónimderin shyǵaratyn úzdik kásiporyn» atalymdary boiynsha irikteledi.
Al Qazaqstanda alǵash ret ótken «ALTYN OIMAQ» kiim dizainerleriniń ultttyq baiqaýynyń jeńimpazdary «Ulttyq oiý-órnekpen kómkerilgen iskerlik kiimniń úzdik dizainy», «Ulttyq oiý-órnekpen kómkerilgen sport kiimniń úzdik dizainy», «Ulttyq oiý-órnekpen kómkerilgen balalar kiiminiń úzdik dizainy», «Ulttyq oiý-órnekpen kómkerilgen úige arnalǵan tekstildiń úzdik dizainy», «Ulttyq oiý-órnekpen kómkerilgen aksessýardyń úzdik dizainy», «Sport aiaq kiiminiń úzdik kastom dizainy» atalymdarynda marapattalady.
«Paryz» biznestiń áleýmettik jaýapkershiligi boiynsha respýblikalyq baiqaýynyń jeńimpazdary úsh kategoriiada (shaǵyn, orta jáne iri biznes) «Úzdik áleýmettik jaýapty kásiporyn», «Eńbekti qorǵaý salasyndaǵy úzdik kásiporyn», «Úzdik ujymdyq kelisimshart» jáne «Ekologiiaǵa qosqan úlesi úshin» syndy atalymdarda anyqtalady.
