Memleket basshysy Qasym-Jomart Toqaev «ArselorMitall» kompaniiasynyń basqarma tóraǵasy Lakshmi Mittalmen kezdesý ótkizdi, dep habarlaidy "Ult aqparat" Aqordanyń resmi saityna silteme jasap.
Prezidentke «ArselorMitall Temirtaý» kompaniiasynyń 2020 jylǵy jumysynyń nátijeleri men 2021 jylǵa arnalǵan josparlary týraly aqparat berildi.
Kezdesý barysynda óndiristerdi jańǵyrtý, ekologiialyq ahýaldy jaqsartý, óndiriletin ónim túrlerin keńeitý máseleleri talqylandy.
Memleket basshysy óndiris qýatyn jańǵyrtýǵa jáne arttyrýǵa tartylatyn investitsiialar kólemin ulǵaitý qajettigin aitty. Keme jasaý, avtokólik ónerkásibi jáne elektrotehnikalyq óndiris salalary boiynsha jańa taýarlar shyǵarý mańyzdy mindet bolýy kerek.
Áńgimelesý barysynda taraptar atmosferaǵa bólinetin qaldyqtardy azaitý, onyń ishinde, agloónerkásipte, konvertorlarda, koksohimiialyq óndiris pen JEO-2-de ekologiialyq jabdyqtardy jańǵyrtýǵa qatysty kompaniianyń josparlaryna erekshe kóńil bóldi.
Qasym-Jomart Toqaev óndiristegi jaraqat alý jaǵdailaryn azaitý, kompaniianyń sheteldik jáne otandyq jumysshylary arasyndaǵy eńbekaqy kóleminiń alshaqtyǵyna jol bermeý boiynsha tapsyrma berdi.
Beinebailanys formatynda ótken kezdesýge Premer-Ministrdiń orynbasary Roman Skliar, Prezident Ákimshiligi basshysynyń orynbasary Timýr Súleimenov, Qaraǵandy oblysynyń ákimi Jeńis Qasymbek qatysty.
